News Story
Mae Theatr Clwyd yn chwilio am wyth o bobl ifanc ar gyfer ei Bwrdd Cynghori Ieuenctid newydd. Mae pobl ifanc yn rhan hanfodol o Theatr Clwyd, ac maen nhw’n chwilio am leisiau ifanc i ddylanwadu ar ddyfodol y sefydliad.
Mae’r Bwrdd Cynghori Ieuenctid yn grŵp o bobl ifanc 11 i 25 oed a fydd yn cyfarfod 4 gwaith y flwyddyn i drafod a breuddwydio gyda’i gilydd am sut ddyfodol sydd i Theatr Clwyd. Bydd Cadeirydd ac Is Gadeirydd ar gyfer y bwrdd a bydd y ddau berson yma hefyd yn mynychu Bwrdd Ymddiriedolwyr llawn Theatr Clwyd. Mae Theatr Clwyd yn chwilio am bobl ifanc o ystod amrywiol o oedrannau, rhywiau, cefndiroedd ac ethnigrwydd. Maen nhw eisiau gwneud yn siŵr bod lleisiau pawb yn cael eu clywed, a bod gweithredu ynghylch hynny, pwy bynnag ydych chi, beth bynnag yw eich cefndir!
Mae pobl ifanc wrth galon popeth rydyn ni’n ei wneud, ac mae angen eu llais nhw i’n gyrru ni ymlaen. Gyda’n hadeilad newydd ar y gweill rydyn ni eisiau i’r Bwrdd Ieuenctid ein herio ni a’n cynghori ar yr amser hynod gyffrous yma. Rydyn ni hefyd eisiau rhoi cipolwg i bobl ifanc ar sut mae byd y theatr yn gweithio a gweld sut gallwn ni i gyd ddysgu oddi wrth ein gilydd.Gwennan Mair, Cyfarwyddwr Ymgysylltu Creadigol Theatr Clwyd
Fe fydda’ i a Kate, ein Cyfarwyddwr Artistig newydd, yn mynychu’r cyfarfodydd yma o’r Bwrdd Cynghori Ieuenctid, yn gwrando ar eich barn chi, yr hyn rydych chi eisiau, a’ch barn chi ar yr hyn y gallwn ni ei wneud yn well. Wedyn, gyda chi, fe fyddwn yn rhoi cynllun ar waith o ran sut i wireddu eich syniadau chi. Fe fyddwn hefyd yn cefnogi’r Cadeirydd a’r Dirprwy Gadeirydd i fynychu’r cyfarfodydd ymddiriedolwyr, ac i chi leisio’ch barn ar ran y bwrdd ieuenctid. Rydyn ni'n hoffi'r hyn rydyn ni'n ei wneud ac eisiau i chi siapio'r penderfyniadau rydyn ni'n eu gwneud wrth i ni i gyd barhau i fwynhau Theatr Clwyd gyda'n gilydd!Liam Evans-Ford, Cyfarwyddwr Gweithredol Theatr Clwyd.
Os oes gennych chi angerdd dros unrhyw agwedd o’r celfyddydau a Theatr Clwyd neu’n adnabod rhywun rhwng 11 a 25 oed sy’n teimlo felly, mae’r lleoliad eisiau clywed gennych chi. I gael gwybod mwy am y cyfle cyffrous yma ac i weld y meini prawf llawn ewch i cliciwch yma.Y dyddiad cau ar gyfer gwneud cais yw dydd Gwener 7 Gorffenaf.
