Bwyta ac Yfed
Mae’r Cogydd o fri o Gymru, Bryn Williams, yn dod â’i angerdd am gynnyrch lleol tymhorol, cynaliadwy i’w fwyty newydd yng nghalon Theatr Clwyd. O frecwastau hamddenol, ciniawau a the prynhawn i swperau o safon gyda'r nos - gwnewch eich ymweliad yn brofiad i'w gofio.
Mae Bryn Williams yn Theatr Clwyd wedi cael ei ddylunio i gyd-fynd yn berffaith ag adeilad eiconig Theatr Clwyd ar ei newydd wedd.
Ein Bwyty
Wedi'i leoli ar y llawr cyntaf ac yn edrych dros fryniau godidog Clwyd, mae ein bistro Cymreig modern yn lleoliad i goginio Ffrengig gyfuno gyda chynhwysion Cymreig. Bydd ein gofod llawn golau, gyda'i awyrgylch bwyta anffurfiol, yn defnyddio'r cynhwysion lleol gorau, gyda chig a llysiau yn hawlio'r sylw. Mae ar agor drwy'r dydd ar gyfer brecwast, cinio a swper.
Cliciwch yma am yr oriau agor.
Ein Caffi
Wedi'i leoli ar y llawr gwaelod, mae ein caffi cyfeillgar a chroesawgar yn gweini amrywiaeth o salads, brechdanau a chacennau ffres, ochr yn ochr â choffi barista. Mae ein caffi yn croesawu cŵn ac mae'n agos at ein hardal chwarae i deuluoedd. Dyma leoliad perffaith i gydweithwyr, ffrindiau neu deuluoedd gyfarfod.
Cliciwch yma am yr oriau agor.
Parti Nadolig
Parti Nadolig, eich ffordd chi. Pa bynnag becyn fyddwch chi’n ei ddewis, byddwch yn cael mwynhau ystafell Nadoligaidd breifat, diod pefriog neu gwrw wrth gyrraedd a bwyd tymhorol gan y cogydd nodedig o Gymru, Bryn Williams – tipyn mwy blasus na bwyd parti Nadolig arferol, a’r cyfan yn lleoliad unigryw Theatr Clwyd.
Lletygarwch Unigryw
Ar gyfer lletygarwch corfforaethol, dathliadau neu nosweithiau allan gyda thîm, mwynhewch sioeau bythgofiadwy o gysur ein bocs preifat ni. Ac yn fwy na hynny, mae eich pryniant o becyn yn cynnwys rhodd i Theatr Clwyd fel eich bod yn gallu mwynhau noson yn y theatr gan wybod eich bod yn gwneud gwahaniaeth.
Am Bryn Williams
Yn hanu o ychydig filltiroedd o galon Theatr Clwyd, mae Bryn Williams, a aned yn Ninbych, yn Gogydd o fri o Gymru sydd wedi gwneud ei farc yn y byd coginio.
Dysgodd Bryn i werthfawrogi bwyd a'i darddiad o oedran cynnar. Wedi’i eni i deulu ffermio, datblygodd barch at fwyd wrth dyfu llysiau, pysgota a rheoli adar hela ar fferm ei ewythr.
Mae wedi cael ei gyflogi yn rhai o geginau mwyaf mawreddog Llundain gan weithio o dan Marco Pierre White yn The Criterion, Michel Roux yn Le Gavroche, ac fel uwch gogydd sous yn The Orrery. Bryn oedd perchennog Odette’s yn Primrose Hill am 16 mlynedd nes iddo werthu’r bwyty am borfeydd newydd yn 2024.
Mae Bryn hefyd ym Mhorth Eirias, Bae Colwyn, Bwyty, Caffi a Bar ar lan y môr ar Arfordir Gogledd Cymru. Agorodd ei drydydd bwyty yn 2020 yng ngwesty ‘The Cambrian’ yn Alpau syfrdanol y Swistir. Y lleoliad diweddaraf yw ‘The Touring Club’ ym Mhenarth, Caerdydd.
Mae Porth Eirias a'r Touring Club wedi derbyn gwobr fawreddog Michelin Bib Gourmand.
Mae Bryn yn hynod gyffrous am gael y cyfle i ddod â’i greadigrwydd a’i fwydlenni wedi’u creu’n fedrus i Theatr Clwyd lle mae natur dymhorol, creadigrwydd, cynaliadwyedd, ac angerdd dros ddefnyddio cynnyrch lleol a hyrwyddo’r pantri amrywiol ac o safon sydd gan Ogledd Cymru i’w gynnig yn elfennau allweddol o’r ffordd mae Bryn yn cyflwyno ei fwyd.