Mae ein hadeilad rhestredig Gradd II, 46 o flynyddoedd oed, yn cael ei ailddatblygu'n sylweddol ar hyn o bryd.

Gan weithio gyda’r penseiri nodedig, Haworth Tompkins, bydd y gwaith hanfodol yma’n sicrhau cartref gwyrdd a chynaliadwy i’n cymunedau ni, gan ddiogelu profiadau diwylliannol, lles a chymunedol o ansawdd uchel yng Ngogledd Cymru ar gyfer cenedlaethau’r presennol a’r dyfodol.

Fel adeilad diwylliannol a chanolfan gelfyddydol o bwys, bydd celf gyhoeddus yn ganolog i’r prosiect, gyda darnau lluosog yn cael eu rhannu’n barhaol gyda chymunedau.

Rydyn ni’n chwilio am ddatganiadau o ddiddordeb gan artistiaid, crëwyr theatr a thimau dylunio cydweithredol i greu’r gelfyddyd gyhoeddus yma. Rydyn ni eisiau comisiynu celf gyhoeddus sy’n ysbrydoledig ac yn gynhwysol, ac sy’n gwella ein henw da ni fel esiampl o ragoriaeth artistig a chartref i’n cymunedau.

Mae’r cyfleoedd yma’n cael eu cyllido gan ddeddfwriaeth ‘Canran o Gelf’ Cyngor Celfyddydau Cymru.

Rydyn ni’n agored i ffotograffiaeth, celf ddigidol 2D, celf fideo, celf ryngweithiol, paentio, cerflunwaith a gosodiadau. Rydyn ni hefyd yn agored i ddisgyblaethau theatr gan gynnwys (ond heb fod yn gyfyngedig i) cynllunwyr, cynllunwyr goleuo, cynllunwyr sain, cynllunwyr taflunio, gwneuthurwyr props, awduron, a gwneuthurwyr gwisgoedd / tecstilau i ymateb i’r alwad hon. Fel artistiaid, pobl greadigol a chrëwyr theatr rydyn ni, wrth gwrs, yn croesawu yn gynnes iawn gydweithredu rhwng disgyblaethau ac artistiaid.

Am Ein Hadeilad

Ar ôl 46 o flynyddoedd, mae angen gwaith cyfalaf mawr ar ein hadeilad rhestredig Gradd II, gyda’r holl systemau’n nesáu at ddiwedd eu hoes a’r cyflwr yn dirywio nes ei fod yn beryglus.

Cyfleoedd

Mae gennym ni dri chyfle Galwad Agored ac rydyn ni’n gweithio gyda’r cwmni ymgynghorol arobryn, Studio Three Sixty, i gyflawni’r rhan hanfodol yma o’n hailddatblygiad:

Y tri chyfle yw:

Galwad Agored 1
Comisiwn Iaith Greadigol
Ymateb artistig i iaith a straeon, gan annog pobl i ddod ar draws ac ymgasglu ar draws ein hadeilad newydd.

Galwad Agored 2
Gosod Gwrthbwysau
Gosodiad wedi'i ysbrydoli gan system wrthbwysau wreiddiol y theatr sy'n cael ei newid yn Theatr Anthony Hopkins, sydd wedi'i hachub fel rhan o'r broses adeiladu.

Galwad Agored 3
Llen Ystafell Foyle

Dyluniad ar gyfer llen bwrpasol ar raddfa fawr ar gyfer Ystafell Foyle, “gofod ymgynnull” amlbwrpas sydd wrth galon yr adeilad newydd.

Sut i gael gwybod mwy?

Byddwn yn cynnal sesiwn holi ac ateb ar-lein ac anffurfiol ar gyfer artistiaid a thimau sydd â diddordeb i ofyn cwestiynau ar 3 Tach a 10:30yb. Anfonwch e-bost i studio@studiothreesixty.uk i ymuno â'r sesiwn yma.

Galwad Agored Celf Gyhoeddus - Theatr Clwyd: Cwestiynau Cyffredin

Proses Ddethol

Mae hon yn broses ddethol dau gam.

Cam Un

Bydd y cam cyntaf yn llunio rhestr fer o ymgeiswyr drwy asesiad mynegi diddordeb, gan edrych ar waith blaenorol ac ymatebion cychwynnol i'r briff.

I wneud cais, cyflwynwch y canlynol i studio@studiothreesixty.uk, gan nodi'n glir yn y pennawd pwnc pa Alwad / Galwadau Agored y mae gennych ddiddordeb mewn gwneud cais amdanynt:

• Mynegi diddordeb yn egluro pam yr hoffech gael eich ystyried ar gyfer y prosiect yma ar ddim mwy na dwy ochr A4.
• Hyd at 10 llun o waith diweddar wedi'u cyflwyno fel pdf gyda rhestr ddisgrifiadol yn manylu ar ddisgrifiad byr, dimensiynau, deunyddiau, dyddiadau a chyllideb ar gyfer y gwaith.
• CV diweddar - uchafswm o 2 dudalen.~
• Manylion enw a chyfeiriad e-bost 2 ganolwr, gydag o leiaf un ohonynt yn gallu gwneud sylwadau o brofiad uniongyrchol ar eich ymarfer proffesiynol.
• Eich manylion cyswllt eich hun gan gynnwys cyfeiriad e-bost
• Ni ddylai cyfanswm maint y ffeil fod yn fwy na 6mb.

Cam Dau

Bydd ymgeiswyr Cam 2 yn cael eu dewis ar sail eu mynegi diddordeb gan y Pwyllgor Llywio Celf Gyhoeddus. Bydd yr artistiaid, y crëwyr theatr a’r timau dylunio ar y rhestr fer yn cael eu gwahodd i baratoi dyluniad cysyniad ar gyfer eu cynnig i’w gyflwyno i banel dethol sy’n cynnwys

Dyddiadau Allweddol

• Sesiwn Holi ac Ateb Ar-lein:
  3 Tach - 10:30yb
• Dyddiad cau ar gyfer Cam Un:
  6 Tach 2023 - 11:59pm