Liam Evans-Ford o Theatr Clwyd ar y Rhestr Fer ar gyfer Gweithiwr Celfyddydau Proffesiynol y Flwyddyn

Mae Prif Weithredwr Theatr Clwyd, Liam Evans-Ford, ar y rhestr fer ar gyfer gwobr Gweithiwr Celfyddydau Proffesiynol y Flwyddyn yn y Gwobrau Gweithwyr Celfyddydau Proffesiynol y Flwyddyn cyntaf — cydnabyddiaeth wych i ddegawd o arweinyddiaeth feiddgar, drawsnewidiol yng Ngogledd Cymru.

Mae'r gwobrau, sydd â phanel annibynnol o fawrion y sector theatr yn beirniadu, yn dathlu arweinyddiaeth, stiwardiaeth ariannol ac arloesedd ar draws byd celfyddydau'r DU. Mae Liam yn ymuno â rhestr fer ragorol ochr yn ochr ag arweinwyr Norwich Theatre, Dulwich Picture Gallery a Polka Theatre.

Yn ystod ei ddeng mlynedd wrth y llyw, mae Liam wedi arwain ailddatblygiad cyfalaf mawr cartref yr elusen sydd wedi'i lleoli yn Sir y Fflint yn yr Wyddgrug, wedi gosod y sefydliad ar sail ariannol sefydlog a chadarn ac wedi llywio gwahanu'r theatr oddi wrth Gyngor Sir y Fflint yn llwyddiannus — gan baratoi'r ffordd ar gyfer ailddatblygiad nodedig y lleoliad a phennod newydd gyffrous i gynulleidfaoedd, artistiaid a'r gymuned ehangach.

Bydd enwau’r enillwyr yn cael eu cyhoeddi ar 13 Mai yn Uwchgynhadledd Busnes y Celfyddydau yn Conway London.

Dywedodd Cyfarwyddwr Gweithredol Theatr Clwyd, Liam Evans-Ford: Mae’n brofiad arbennig iawn cael fy rhoi ar y rhestr fer ar gyfer gwobr mor fawreddog – mae cael eich cydnabod gan eich cydweithwyr a chewri’r diwydiant yn anrhydedd. Rydw i’n credu’n gryf bod llwyddiant yn cael ei adeiladu o waith tîm, ac felly mae’r enwebiad yma’n arwydd o hyder nid yn unig ynof fi, ond yn y tîm, y partneriaid a’r cyllidwyr anhygoel rydw i’n cael y pleser o weithio gyda nhw.”