Theatr Clwyd yn dathlu llwyddiant blwyddyn gyntaf o aelodaeth gorfforaethol.
See dates and times 28 Ebr 2023
News Story
Mae busnesau lleol a chenedlaethol yn mwynhau cyfres newydd sbon o fuddion ym mlwyddyn gyntaf yr aelodaeth gorfforaethol yn Theatr Clwyd, a lansiwyd gan y theatr wrth iddi baratoi ar gyfer ei hailddatblygiad cyfalaf sylweddol. Gall aelodau newydd ddewis haen sy’n addas iddyn nhw a’u cyllidebau, yn amrywio o £500 i £5,000, cael mynediad at docynnau, digwyddiadau unigryw, profiadau tu ôl i’r llenni, cynnal digwyddiadau a chyfleoedd hysbysebu, yn ogystal â’r cyfle unigryw i fynd ar y safle wrth i'r gwaith adeiladu fynd rhagddo, ac wrth i haenau o'r adeilad newydd gael eu datgelu.
Yn ystod y flwyddyn ddiwethaf mae naw o fusnesau wedi ymuno fel aelodau ar draws y cynllun haenau, gyda phedwar busnes arall yn y broses. Mae'r busnesau hyn yn ymuno ag ystod eang o aelodau eraill, gan gynnwys CBI Insurance, Leonard Curtis, Azets, Gap Personnel, Hope Mountain Retreat, Insight 6, Thursday's Child Coaching & Consulting, Aaron & Partners, Bad Wolf a Chilly Cow.
Mae Gwesty’r Beaufort Park yn Aelod Aur ac wedi mabwysiadu’r cynllun yn gynnar. Yn gynharach yn ystod y mis yma, cyflwynodd aelod Bwrdd Theatr Clwyd, Siobhan Jones, eu tystysgrif 'buddsoddwr yn y gymuned leol' i'r Rheolwr Cyffredinol, Mark Small, gan anrhydeddu'r ymrwymiad maent wedi'i wneud gyda'u cefnogaeth, gan alluogi ein gwaith ymgysylltu i barhau a thyfu.
Rydyn ni’n teimlo ei bod yn bwysig buddsoddi yn ein hatyniadau lleol a'n cymuned. Mae Theatr Clwyd yn ymgorffori’r ddau beth yma gyda chalon fawr. Rydyn ni eisiau dangos cefnogaeth i'r theatr, ac rydyn ni’n deall y bydd eu hailddatblygiad yn denu llu o ymwelwyr newydd i'r ardal. Yn gyfnewid am ein cefnogaeth ni, drwy aelodaeth, rydyn ni’n gwerthfawrogi’r gwaith gawn ni drwy’r theatr a hir y parhaed hynny!Mark Small, Rheolwr Cyffredinol
Rydyn ni mor falch o’r diddordeb gan sefydliadau corfforaethol sydd eisiau cysylltu â Theatr Clwyd. Mae ein cynlluniau aelodaeth ni’n cynnig buddion anhygoel a fydd yn diddanu cleientiaid presennol, darpar gleientiaid a staff gan sicrhau effaith sylweddol hefyd ar gyfer eu buddsoddiad yn ein siwrnai ni. Rydw i’n mwynhau cyfarfod â’n holl aelodau corfforaethol, yn enwedig ar amser mor brysur i’r theatr wrth i’w dyfodol ddatblygu..Siobhan Jones, Aelod o Fwrdd Theatr Clwyd
Mae’r Brecwastau Busnes sy’n cael eu cynnal yn Theatr Clwyd yn ffordd wych o ddarganfod mwy am Aelodaeth Gorfforaethol yn ogystal â rhwydweithio gyda busnesau eraill o Ogledd Cymru a Gogledd Orllewin Lloegr. Mewn brecwastau blaenorol mae Theatr Clwyd wedi rhannu diweddariad ar gynlluniau a gweithgarwch ymgysylltu, yn ogystal â chroesawu siaradwyr gwadd gan gynnwys Alwen Williams, Cyfarwyddwr Portffolio, Ambition North Wales a Joanna Swash, Prif Swyddog Gweithredol Moneypenny.
Mae’r brecwast nesaf yn cael ei gynnal ar 18 Mai. Lawrence Wood (Principal at Coleg Llandrillo – the largest FE provider in Wales) and Professor Maria Hinfelaar ( BA, MA, PGCE, PhD, FLSW, Vice-Chancellor and Chief Executive at Wrexham Glyndŵr University) confirmed to speak. Cysylltwch i archebu eich lle gan fod y llefydd yn gyfyngedig.
I gael gwybod mwy am aelodaeth gorfforaethol neu os oes gennych chi ddiddordeb mewn mynychu brecwast busnes, cysylltwch â Sarah Hutchins ar sarah.hutchins@theatrclwyd.com neu Cliciwch Yma
