Cyllidwyr preifat mawr yn addo cefnogaeth sylweddol i ailddatblygu Theatr Clwyd
See dates and times 5 Mai 2022
News Story
Mae Theatr Clwyd yn cyhoeddi heddiw ei bod wedi derbyn rhoddion sylweddol gan rai o gyllidwyr dyngarol preifat mwyaf y byd i gefnogi ei gwaith ailddatblygu cyfalaf mawr. Mae’r elusen gelfyddydol sydd wedi’i lleoli yng Ngogledd Cymru wedi cymryd cam sylweddol ymlaen tuag at ei tharged codi arian preifat a chyhoeddus o £5m gyda rhoddion mawr ac addewidion gan y Moondance Foundation (£1.5m), y Wolfson Foundation (£0.5m), y Garfield Weston Foundation (£0.5m). 0.5m) a dyngarwr lleol dienw (£0.5m). Mae'r sefydliad hefyd yn parhau â'i waith cymunedol arobryn yn ystod y cyfnod adeiladu diolch i gefnogaeth sylweddol gan yr Esmée Fairbairn Foundation (£300k).
Mae ailddatblygiad Theatr Clwyd bellach wedi derbyn rhoddion sy’n fwy na’r swm uchaf blaenorol a godwyd gan theatr yng Nghymru, a hefyd y rhodd unigol fwyaf erioed i sefydliad celfyddydol yng Nghymru gan y Moondance Foundation.
Mae ailddatblygiad Theatr Clwyd yn un o brosiectau mwyaf arwyddocaol yn ddiwylliannol Cymru – sy’n cael ei ddisgrifio gan Lywodraeth Cymru fel elfen allweddol i sicrhau buddion cymdeithasol, economaidd a diwylliannol i Ogledd Cymru. Bydd yn sicrhau bod yr adeilad, sydd wedi dirywio gyda’i holl systemau a’i seilwaith wedi cyrraedd diwedd eu hoes, yn gallu cael ei adfywio, gyda’i rôl, ei wasanaethau a’i raglenni hanfodol yn cael eu hachub ar gyfer cenedlaethau’r dyfodol. Bydd y prosiect trawsnewid hwn yn darparu profiad llawer gwell i ymwelwyr, mannau penodol ar gyfer rhaglenni cymunedol ac ymgysylltu, a chyfleusterau cynhyrchu incwm gwell, i gyd mewn adeilad gwyrddach, mwy effeithlon.
Pan wnaethon ni ddechrau ar y siwrnai gyfalaf yma yn 2017 fe gawsom ni wybod ei bod yn annhebygol y byddem yn codi mwy na £2m o fuddsoddiad preifat ar gyfer theatr yng Nghymru. Oherwydd cefnogaeth hael y cyllidwyr arweiniol yma rydyn ni eisoes wedi cyrraedd £3m. Mae hon yn bleidlais rymus o hyder yn Theatr Clwyd, ein gwerthoedd, ansawdd ein gwaith yn creu theatr, a’n gwaith cymunedol hynod bwysig. Mae hefyd yn golygu ein bod yn cymryd cam arall tuag at ddarparu cartref o safon byd i aelodau ein cwmni a’n cymunedau, ac mae’n cynnig rheswm arall i’r celfyddydau yng Nghymru fod yn falch am genedlaethau i ddod. Edrychwn ymlaen at weithio mewn partneriaeth â’r cyllidwyr arweiniol gwych yma dros y blynyddoedd sydd i ddod i sicrhau effaith sylweddol ar gyfer eu buddsoddiad yn ein siwrnai.Dywedodd Liam Evans-Ford, Cyfarwyddwr Gweithredol Theatr Clwyd.
Gan gyfrannu’r rhodd breifat fwyaf erioed i sefydliad celfyddydol yng Nghymru, bydd rhodd y Moondance Foundation o £1.5m yn cyllido mannau diogel, naturiol, hygyrch, wedi’u dylunio’n benodol ar gyfer anghenion a defnydd pobl ifanc, ond hefyd yn cefnogi cynaliadwyedd amgylcheddol yr adeilad cwbl fodern yma. Mae Moondance yn adnabyddus fel cyllidwr dyngarol mawr sy’n cefnogi sefydliadau sy’n cael effaith drawsnewidiol mewn cymunedau yng Nghymru a thu hwnt. |
Mae Theatr Clwyd yn eithriadol – yn arweinwyr o fewn eu maes, ac yn uchelgeisiol ac arloesol – a’r cyfan gyda’r gymuned wrth galon yr hyn maen nhw’n ei wneud. Rydyn ni’n gwybod, heb amheuaeth, bod angen i ni sicrhau bod eu llais yn cael ei glywed a sicrhau bod eu gwaith arloesol yn parhau. Rydyn ni hefyd wrth ein bodd yn cefnogi gweledigaeth cynaliadwyedd amgylcheddol Theatr Clwyd.Dywedodd Diane Briere de I’Isle Engelhardt, Sylfaenydd a Chadeirydd y Moondance Foundation.
TheWolfson Foundation wedi ymrwymo £500,000 tuag at y prosiect nodedig hwn – y grant mwyaf maent wedi’i roi i sefydliad celfyddydol yng Nghymru ers dros 60 mlynedd. Gan ganolbwyntio ar sicrhau datblygiad cynnyrch a thalent artistig o safon byd yng Nghymru, bydd y cyllid hanfodol hwn yn sicrhau ystafelloedd ymarfer gyda chyfarpar gwych, theatrau hynod dechnolegol, a llwybrau agored i bawb ar gyfer artistiaid, ymarferwyr a phobl greadigol newydd.
Mae’n bleser gan y Wolfson Foundation gefnogi prosiect nodedig Theatr Clwyd, gan barhau â’n hanes o gefnogi celfyddydau a diwylliant Cymru. Mae lefel ein hymrwymiad – yr uchaf ar gyfer prosiect celfyddydau perfformio yng Nghymru – yn adlewyrchu ein brwdfrydedd a’n cefnogaeth i weledigaeth uchelgeisiol Theatr Clwyd ar gyfer cymuned Sir y Fflint a’r celfyddydau yng Ngogledd Cymru.Dywedodd Paul Ramsbottom, Prif Swyddog Gweithredol y Wolfson Foundation.
TheGarfield Weston Foundation wedi addo £500,000 hefyd. Mae’r addewid hwn yn elfen hollbwysig yn ymgyrch codi arian cyfalaf Theatr Clwyd a bydd yn sicrhau mynediad eang i’r celfyddydau i bawb mewn cymdeithas, drwy wella’r seilwaith creadigol hanfodol. |
Yn olaf, mae’r Esmée Fairburn Foundation wedi rhoi dyfarniad hollbwysig o £300,000 i sicrhau bod rhaglenni cymunedol ac ieuenctid clodwiw Theatr Clwyd sy’n ganolog i genhadaeth y sefydliad yn parhau drwy gydol y datblygiad. Tra mae’r gwaith adeiladu sylweddol yn digwydd, gall prosiectau ymgysylltu creadigol – gan gynnwys prosiectau gyda phobl ifanc sy’n wynebu risg, y rhai sydd â cholled cof cynnar a dementia a rhaglenni cyfrifoldeb dinesig mewn ysgolion – barhau i ffynnu a thyfu.
Mae Theatr Clwyd yn chwarae rhan annatod yng nghymuned yr Wyddgrug a Sir y Fflint yn ehangach – nid yn unig ar gyfer y celfyddydau a diwylliant, ond hefyd wrth ddod â phobl a sefydliadau at ei gilydd i greu cymunedau ffyniannus a chynhwysol. Rydyn ni wrth ein bodd yn cefnogi’r prosiect hwn, sy’n anelu at adeiladu ar eu gwaith yn ystod y cyfnod o gau i ailddychmygu rhaglenni mwy uchelgeisiol dan arweiniad y gymuned. Mae Esmée wedi cefnogi mwy na 150 o grantiau yng Nghymru a bydd cefnogi Theatr Clwyd fel sefydliad sy’n gwasanaethu cymunedau mwy gwledig a lled-wledig fel rhan o’n gwaith seiliedig ar le Cymunedau Hyderus yn Greadigol yn dod ag amrywiaeth werthfawr i’n portffolio o brosiectau yng Nghymru.Dywedodd Charlotte Mulliner, Swyddog Cyllid yr Esmée Fairbairn Foundation.
Mae’r mwy na £3.3m o roddion o gyllid yn cynrychioli cam mawr tuag at darged codi arian Theatr Clwyd, gyda chyhoeddiadau pellach am bartneriaid codi arian i’w cyhoeddi yn nes ymlaen yn 2022.
Mae’r prosiect hefyd wedi derbyn cyllid cyhoeddus gan Lywodraeth Cymru, Cyngor Celfyddydau Cymru a Chyngor Sir y Fflint, gan alluogi cyflawniad llwyddiannus y cyllid preifat a dyngarol sylweddol hwn.
Drwy ei gwasanaethau a’i phartneriaethau arloesol mae Theatr Clwyd yn dod â manteision cymdeithasol, diwylliannol ac economaidd sylweddol i Gymru, yn enwedig y cymunedau lleol yng ngogledd ddwyrain Cymru. Edrychwn ymlaen at weithio gyda’r tîm i gyflawni prosiect mor gyffrous ac arloesol.Dywedodd Dawn Bowden, Dirprwy Weinidog Chwaraeon a Chelfyddydau Llywodraeth Cymru.
Mae hwn yn gyfnod deinamig yn hanes y theatr – mae’r dyfodol yn edrych yn ddisglair gyda’r theatr yn parhau fel canolfan gelfyddydau hanfodol a bywiog wrth galon ein cymuned.Dywedodd Neal Cockerton, Prif Weithredwr Cyngor Sir y Fflint.
Mae Theatr Clwyd yn dangos yr effaith honno’n gyfoethog drwy ei chynyrchiadau o ansawdd uchel a thrawiadol, ei gwaith allgymorth cymunedol a’i gwaith mewn meysydd fel y Celfyddydau a Dementia a chyfiawnder ieuenctid. Bydd yr ailddatblygiad hwn yn rhoi egni pellach i’r holl waith ac o fudd mawr i bobl gogledd ddwyrain Cymru.Dywedodd Phil George, Cadeirydd Cyngor Celfyddydau Cymru.
