Helpwch i Greu Rhywbeth Newydd

Rydyn ni’n chwilio am Reolwr Digwyddiadau a Lletygarwch sy’n uchelgeisiol, yn llawn egni ac â’i fryd ar fasnach i arwain maes newydd, cyffrous o’n busnes.

Dyma gyfle unigryw i rywun sy’n ffynnu mewn amgylchedd prysur ac sy’n awyddus i chwarae rôl allweddol yn y gwaith o adeiladu a datblygu cynnig digwyddiadau a lletygarwch o’r dechrau un.

O ddigwyddiadau corfforaethol a digwyddiadau llogi preifat, i briodasau ac achlysuron arbennig, byddwch yn helpu i greu profiadau bythgofiadwy i’n cwsmeriaid, yn ogystal â sbarduno twf incwm a rhagoriaeth weithredol.

Os ydych chi’n ymarferol, yn greadigol, yn drefnus ac yn frwd dros greu digwyddiadau a phrofiadau gwych i gwsmeriaid, byddem wrth ein bodd yn clywed gennych chi.

Math o Gontract- Parhaol

Oriau - 37 yr wythnos

Y Rôl

Prif Gyfrifoldebau

• Nodi a sicrhau cyfleoedd busnes newydd ar draws y sectorau corfforaethol, preifat a chymunedol
• Cyrraedd a rhagori ar dargedau gwerthu ar gyfer llogi’r lleoliad, digwyddiadau a gwasanaethau cysylltiedig
• Datblygu a gweithredu strategaethau gwerthu i gynyddu deiliadaeth a refeniw

• Bod yn brif bwynt cyswllt i gleientiaid o’r ymholiad cyntaf i’r digwyddiad ei hun
• Meithrin a chynnal perthynas hirdymor â chleientiaid corfforaethol, asiantaethau, a busnesau lleol
• Cyflwyno cynigion a rhoi cyflwyniadau wedi’u teilwra i ddarpar gleientiaid

• Helpu cleientiaid i gynllunio eu digwyddiadau, gan sicrhau bod y gofynion yn cael eu bodloni heb fynd dros y gyllideb
• Gweithio’n agos gyda thîm Bryn Williams yn Theatr Clwyd i sicrhau bod yr holl ddigwyddiadau’n cael eu cynnal yn ddidrafferth, a bod disgwyliadau cleientiaid yn cyd-fynd â’r ddarpariaeth weithredol

• Gweithio gyda’r timau marchnata a datblygu i hyrwyddo gofod a phecynnau digwyddiadau
• Cynrychioli Theatr Clwyd mewn sioeau masnach, digwyddiadau rhwydweithio ac arddangosfeydd

Y Person

Hanfodol

• Profiad helaeth o werthu ym maes digwyddiadau, lleoliadau neu letygarwch
• Profiad helaeth o ddarparu digwyddiadau
• Enw da am gyrraedd neu ragori ar dargedau refeniw
• Profiad o reoli a gwerthu gofod ar gyfer digwyddiadau a llogi corfforaethol neu breifat
• Sgiliau cyfathrebu a thrafod ardderchog
• Gallu rheoli nifer o brosiectau a dyddiadau terfyn yn effeithiol
• Agwedd ragweithiol sy’n canolbwyntio ar y cwsmer ac ar ganlyniadau
• Aelod da o dîm sy’n gallu cydweithio a meithrin perthynas effeithiol gyda chydweithwyr ar draws gwahanol dimau a lefelau yn y cwmni