Oes gennych chi ofn y tywyllwch? Mae Danny Robins yn ei ôl gyda sioe fyw newydd sbon sy'n ymchwilio i'r amrywiaeth fwyaf cyffrous eto o straeon Uncanny, wrth i bodlediad a chyfres deledu baranormal arobryn y BBC ddod yn fyw mewn cynhyrchiad cyffrous, llawn ysbrydion ar y llwyfan!

Yn frawychus, yn gyfareddol ac weithiau'n ingol, byddwch yn barod i ymchwilio i gasgliad o ddirgelion paranormal o bosib wrth i Danny geisio mynd at wraidd pam ein bod ni, fel bodau dynol, yn ofni’r tywyllwch o hyd. Ai ofergoeliaeth ydi hyn? Atgofion o'n dyddiau fel pobl yn byw mewn ogof ac yn swatio o amgylch tân gwersylla? Neu tybed a oes rhywbeth yn llechu allan yna yn y tywyllwch?

Bydd yr arbenigwyr Dr Ciarán O’Keeffe ac Evelyn Hollow yn ymuno â Danny i astudio ymddangosiad ysbrydion, gweld UFOs, meithrinfa llawn ysbrydion, creaduriaid rhyfedd ar lonydd gwledig unig, a gweithgarwch poltergeist rhyfedd mewn tai sy'n ymddangos yn normal.

NID sioe bodlediad gyffredin mo hon. Dyma adrodd straeon ac ymchwiliad paranormal yn ei anterth. Gan ddefnyddio cefndir unigryw o sain, tafluniad fideo a hud theatrig, bydd Danny yn dod â'r straeon yma’n fyw gyda help Ciarán ac Evelyn, a hefyd mewnbwn gennych chi fel cynulleidfa, wrth i chi gael y cyfle i ofyn eich cwestiynau a rhannu eich profiadau eich hun.

Fel bob amser, os ydych chi'n aelod o #TîmAmheus, #TîmCredu neu rywle yn y canol, mae croeso i bawb.

Felly... ydych chi am feiddio camu i'r tywyllwch?

Wedi archebu tocyn sioe ond heb archebu eich bwrdd?

Archebwch fwrdd ar gyfer swper cynnar gyda'r nos i gwblhau eich profiad!

Cliciwch Yma!