Mae Florence Foster Jenkins ar fin eich syfrdanu chi… a’ch clustiau o bosib hefyd.

Mae Glorious! yn dilyn siwrnai Florence wrth iddi baratoi ar gyfer ei chyngherddau, meithrin cyfeillgarwch annhebygol gyda’i chyfeilydd, Cosme, a herio ei beirniaid i ddilyn ei breuddwydion.

Wedi’i galw’n ‘gantores waethaf y byd’, mae Glorious! yn stori wir am y socialite o America, Florence Foster Jenkins, a oedd yn adnabyddus am ei gwisgoedd lliwgar, ei pherfformiadau enigmatig a’i llais allan o diwn!

Gyda Wendi Peters (Coronation Street) yn serennu fel Florence Foster Jenkins a Matthew James Morrison (EastEnders) fel Cosme McMoon yn y cynhyrchiad pen-blwydd yn 20 oed yma, mae'r sioe hynod ddoniol yma wedi cael adolygiadau gwych yn Hope Mill Theatre ym Manceinion ac mae’n gomedi hyfryd rydyn ni i gyd wedi bod yn aros amdani.

Fe gyfareddodd y cynhyrchiad hirhoedlog gwreiddiol o Glorious! gynulleidfaoedd yn y West End a chafodd ei enwebu am Wobr Olivier gyda Maureen Lipman yn serennu yn 2005, cyn dod i'r sgrin fawr, gyda Meryl Streep a Hugh Grant yn serennu yn y fersiwn ffilm o'r ddrama a gafodd ei chanmol, yn syml iawn, gan y beirniaid fel "GLORIOUS!" Mae'r sioe wedi cael ei gweld gan filiynau o bobl ledled y byd ers hynny, wedi'i chyfieithu i 25 o ieithoedd, ac wedi'i pherfformio mewn 36 o wledydd.

Ysgrifennwyd Glorious! gan Peter Quilter (End of the Rainbow a'r ffilm a enillodd Oscar, Judy) a'i chyfarwyddo gan Kirk Jameson (Song From Far Away, Madagascar: The Musical).

Dewch i weld hwn os ydych chi'n hoffi: Midsomer Murders, Mousetrap, 39 Steps neu unrhyw ddramâu comedi teimlad da

Thomas Hopkins
Craig Haffner & Sherry Wright, SAMS Entertainment
present
the Hope Mill Theatre production