Mae Craidd yn gydweithrediad uchelgeisiol ledled y sector ar draws pum sefydliad theatr yng Nghymru sydd wedi ymrwymo i drawsnewid cynrychiolaeth DDN (Byddar, anabl a niwroamrywiol) mewn theatr brif ffrwd.

Mae Craidd yn gydweithrediad rhwng pum sefydliad yng Nghymru: Theatr Clwyd, Theatr y Sherman, Celfyddydau Pontio, Theatr y Torch, a Choleg Brenhinol Cerdd a Drama Cymru. Ei genhadaeth yw gwella cynrychiolaeth brif ffrwd, ar gyfer a gyda chrëwyr theatr Byddar, anabl a niwroamrywiol ledled Cymru. Mae hefyd yn gobeithio ysgogi newid cadarnhaol yn y sefydliadau partner dan sylw yn ogystal â'r sector theatr ehangach.

Theatr Clwyd yw'r prif bartner yn y fenter hon a'r cynhyrchiad sydd i ddod o Under Milk Wood fydd y cynhyrchiad cyntaf yn y bartneriaeth. Wedyn bydd y cynhyrchiad yn teithio i Theatr y Sherman, Celfyddydau Pontio, a Theatr y Torch.

Fel rhan o'r broses ymgeisio, gofynnwn i chi roi gwybod i ni am unrhyw gymorth mynediad y byddwch ei angen i fynychu'r cyfweliadau. Ni fyddwn yn edrych ar y manylion hyn wrth lunio'r rhestr fer a dim ond os cewch eich rhoi ar y rhestr fer fyddan nhw’n cael eu darllen. Gallwch naill ai ateb y cwestiwn neu ddarparu Dogfen Mynediad.

Os bydd y lleoliad yn cael ei ddyfarnu i chi, byddwn yn gweithio gyda chi i gefnogi eich anghenion mynediad. Byddwn yn gofyn i chi lenwi ffurflen "Gweithio Gyda Fi" ac, os oes gennych chi un, darparu Dogfen Mynediad. Byddwn yn gweithio gyda chi i'ch helpu i deimlo'n gyfforddus a gwneud eich gwaith gorau.

Os ydych chi'n derbyn Mynediad i Waith, byddem yn disgwyl i chi ddefnyddio beth bynnag sy’n cael ei ddarparu i chi ar hyn o bryd yn ystod y lleoliad.

Os yw’r gofynion mynediad yn golygu nad yw'r gyllideb sy’n cael ei darparu yn ddigonol, byddwn yn eich cynorthwyo i wneud hawliad am Fynediad i Waith.

Byddwn hefyd yn darparu gwybodaeth fanylach am yr hyn ddylech chi ei baratoi ar gyfer y diwrnod, gan gynnwys anfon cwestiynau’r cyfweliad ymlaen llaw. Bydd yr wybodaeth hon yn cael ei chyflwyno ar ffurf ysgrifenedig, ond bydd fformatau eraill ar gael ar gais.

Nid yw hynny'n gwbl angenrheidiol ond gallai fod yn ddefnyddiol ei ddarllen ac edrych rhyw ychydig arno i weld a yw'n sbarduno eich dychymyg yn greadigol. Mae mwy o wybodaeth am Under Milk Wood ar gael yn https://en.wikipedia.org/wiki/...

Nac oes, mae'r cyfle yma ar agor i unrhyw grëwyr theatr o Gymru neu sydd wedi’u lleoli yng Nghymru. Byddwch yn cael cyllideb tuag at dreuliau teithio a chynhaliaeth. Mae'r gyllideb yma’n seiliedig ar gyfraddau Equity / UK Theatre. Byddwn yn eich cefnogi chi i ddod o hyd i lety os oes angen.

At ddibenion y cyfle yma, mae "proffesiynol" yn cael ei ddiffinio fel derbyn taliad am eich gwaith neu bobl wedi talu am weld eich gwaith.

Bydd pob cais yn cael ei ystyried a'i sgorio gan dri unigolyn ar wahân - aelod o dîm Craidd, aelod o'r Teulu Creu Theatr yn Theatr Clwyd ac aelod o'r Uwch Dîm Arwain yn Theatr Clwyd a fydd yn sgorio yn erbyn pob elfen o'r "Meini Prawf Hanfodol" yn y Pecyn Gwybodaeth. Bydd y sgoriau allan o 5.

Os yw’r ymgeiswyr wedi cael yr un sgôr, bydd y panel yn symud ymlaen at y “Meini Prawf Dymunol” i lywio’r broses o lunio’r rhestr fer.

Wedyn bydd 4 ymgeisydd yn cael eu gwahodd i gyfweliad.

Os cewch eich rhoi ar y rhestr fer, cewch eich gwahodd i ddod i Theatr Clwyd wyneb yn wyneb am gyfweliad.

Ar gyfer y Lleoliad Cynllunio, bydd y cyfweliadau’n cyd-daro â’r Cyfarfod Cynllunio Cerdyn Gwyn. Bydd hyn yn galluogi’r ymgeiswyr ar y rhestr fer i arsylwi’r cyfarfod yma a chael cyflwyniad byr i’r cynhyrchiad.

Bydd y cyfweliad tua 45 munud o hyd a bydd gydag aelod o'r Tîm Creadigol ar y cynhyrchiad, aelod o'r Tîm Creu yn Theatr Clwyd, uwch aelod o Theatr Clwyd ac aelod o dîm Craidd.

Byddwn yn anfon y cwestiynau atoch chi ymlaen llaw – bydd pawb yn cael yr un cwestiynau. Bydd cyfle hefyd i chi ofyn cwestiynau. Bydd y cyfweliad yn Saesneg.

Bydd Theatr Clwyd yn trefnu amrywiaeth o gymorth mynediad ar draws y cyfweliadau, ond rydyn ni’n ymwybodol y bydd arnoch chi angen mwy o gymorth pwrpasol efallai, i gael mynediad i'r diwrnod.

Bydd Theatr Clwyd yn talu am ac yn trefnu bod digon o ddehonglwyr Iaith Arwyddion Prydain, galluogwyr creadigol a disgrifyddion sain ar gael yn y gofod, gan gynnwys yn y sesiwn unigol os oes angen.

Bydd Theatr Clwyd yn trefnu cymorth mynediad amrywiol ar draws y cyfweliadau ar gyfer lleoliadau, ond rydyn ni’n ymwybodol y bydd arnoch chi angen mwy o gymorth pwrpasol un i un efallai, gydag unigolyn dibynadwy, i gael mynediad i'r diwrnod. Byddwn yn trafod hynny gyda chi pan fyddwn yn eich gwahodd chi i gyfweliad.

Bydd Theatr Clwyd yn talu am ac yn trefnu bod digon o ddehonglwyr Iaith Arwyddion Prydain, galluogwyr creadigol a disgrifyddion sain ar gael yn y gofod.

Mae Cyfarfod Cynllunio Terfynol yn y theatr yn gam hollbwysig lle mae'r tîm creadigol, gan gynnwys y cyfarwyddwr, y cynllunwyr a'r tîm technegol, yn dod at ei gilydd i adolygu a mireinio cynllun y cynhyrchiad, gan ganolbwyntio ar ymarferoldeb technegol, cyllideb a gweledigaeth artistig gyffredinol. Mae'n broses gydweithredol lle mae cwestiynau’n cael eu gofyn, syniadau’n cael eu cyfnewid, a phenderfyniadau terfynol yn cael eu gwneud cyn i'r cynhyrchiad symud i'r camau adeiladu ac ymarfer.