Mae Theatr Clwyd yn chwilio am Dorrwr Gwisgoedd profiadol ar gyfer contract tymor penodol sy'n cwmpasu tymor yr hydref sydd i ddod yma yn y theatr. Mae'r tîm Gwisgoedd yn gwasanaethu cynyrchiadau Theatr Clwyd i'r safonau uchaf posibl, gan ddefnyddio eu sgiliau mewn dehongli dyluniadau, torri patrymau a gwneud y gwisgoedd i ffitio'r perfformwyr.

Math o Gontract- Contract Tymor -04/08/2025 - 04/02/2026

Oriau - 37 yr wythnos

Y Rôl

Cyfrifoldebau allweddol

Cyffredinol

• Dehongli cynlluniau gwisgoedd drwy ddrafftio patrymau gan ymgynghori â'r cynllunydd a’r Rheolwr Gwisgoedd a Wigiau.
• Goruchwylio cynorthwywyr a chydlynu'r ystafell waith, gan roi gwybod i’r Rheolwr Gwisgoedd am gynnydd y gwaith.
• Cynorthwyo’r Rheolwr Gwisgoedd a Wigiau i greu costau manwl gywir drwy roi cyngor am amseroedd creu a gofynion staff.
• Cymryd mesuriadau corff llawn a manwl gywir, amcangyfrif meintiau ffabrig a gofynion o ran deunyddiau ac wedyn archebu eitemau gyda chymeradwyaeth y Rheolwr Gwisgoedd a Wigiau.
• Torri patrymau mewn ffabrigau.
• Gweithio gyda’r Rheolwr Gwisgoedd a Wigiau i sicrhau hyfforddiant a monitro perfformiad staff achlysurol a llawrydd.
• Lilwio, creu ôl traul ar, a 'gorffen' gwisgoedd.
• Cynnal a chadw offer a chynghori ar ofynion cynnal a chadw a chyflawni'r holl ofynion Iechyd a Diogelwch perthnasol – gan ddarparu unrhyw wybodaeth sydd ei hangen ar gyfer asesiadau risg neu ddatganiadau dull i'r Rheolwr Cynhyrchu.
• Cyflawni unrhyw ddyletswyddau rhesymol eraill yn ôl yr angen yn unol â chais y Pennaeth Cynhyrchu neu'r Rheolwr Gwisgoedd a Wigiau.

Iechyd a Diogelwch

• Sicrhau bod yr holl ofynion Iechyd a Diogelwch yn cael eu bodloni bob amser wrth weithio.
  
• Sicrhau bod deunyddiau'n cael eu storio a’u defnyddio’n ddiogel a chydymffurfio â rheoliadau a chanllawiau'r Gweithgor Iechyd a Diogelwch (yn enwedig mewn perthynas â COSHH).
• Mynychu hyfforddiant yn ôl yr angen a chynnal ymwybyddiaeth o reoliadau iechyd a diogelwch sy'n benodol i'r gofod a'r offer a ddefnyddir.
• Sicrhau bod yr holl offer arbenigol yn cael ei gau i lawr yn gywir ar ddiwedd pob diwrnod gwaith
• Sicrhau bod yr holl beryglon posibl yn cael eu gwneud yn ddiogel cyn gynted ag y bo hynny'n ymarferol bosibl.
• Sicrhau bod yr holl offer yn cael ei storio'n ddiogel a'i fod yn hwylus i ddefnyddwyr awdurdodedig gael mynediad ato.
• Cynhyrchu asesiadau risg a datganiadau dull yn ôl yr angen

Y Person

Hanfodol

• Gradd neu debyg mewn Gwisgoedd Theatr, a hefyd profiad clir o dorri a phrofiad clir fel gwneuthurwr gwisgoedd ar gyfer cynyrchiadau theatr.
• Gwybodaeth fanwl am dorri gwisgoedd.
• Gwybodaeth Gwybodaeth fanwl am greu gwisgoedd.
• Gwybodaeth fanwl am brosesau lliwio, torri i lawr a gorffen.
• Gwybodaeth fanwl am hanes gwisgoedd a dulliau ymchwil.
• Gwybodaeth ymarferol am fyd y theatr yn y DU.
• Y gallu i weithio heb oruchwyliaeth reoli, gan arwain, cyfarwyddo a chymell yr ystafell waith.
• Gallu rhagorol i ddatrys problemau a gwneud penderfyniadau.
• Dull hyblyg ac arloesol o weithio, gyda'r gallu i ddysgu ac integreiddio sgiliau newydd yn gyflym.
• Sylw rhagorol i fanylder.
• Enw da am weithio i derfynau amser tynn a threfnu baich gwaith mewn ffordd effeithlon.
• Dyfeisgarwch a'r gallu i beidio â chynhyrfu o dan bwysau.
• Y gallu i weithio yn unol â chyfyngiadau’r gyllideb.