Mae Theatr Clwyd yn chwilio am Dechnegydd Gwisgoedd profiadol ar gyfer contract tymor penodol sy'n cwmpasu tymor yr hydref sydd i ddod yma yn y theatr. Mae'r tîm Gwisgoedd yn gwasanaethu cynyrchiadau Theatr Clwyd i'r safonau uchaf posibl, gan ddefnyddio eu sgiliau mewn dehongli dyluniadau, torri patrymau a gwneud y gwisgoedd i ffitio'r perfformwyr.

Math o Gontract- Contract Tymor -01/09/2025 - 31/12/2025

Oriau - 37 yr wythnos

Y Rôl

Cyfrifoldebau allweddol

Cyffredinol

• O dan y Rheolwr Gwisgoedd a Wigiau a'r Torwyr Gwisgoedd, bod yn gyfrifol am greu ac addasu gwisgoedd i'r safonau uchaf posibl ac o fewn yr amser a'r gyllideb a neilltuwyd.
• Cynorthwyo gyda mesur actorion ac mewn ffitiadau.
• Atgyweirio a gwneud addasiadau a newidiadau i wisgoedd sydd wedi’u creu, eu llogi neu eu sicrhau.
• Cynorthwyo'r Rheolwr Gwisgoedd a Wigiau i reoli a chynnal a chadw stoc ac adnoddau'r adran gwisgoedd.
• Lliwio, creu ôl traul ar, neu wneud i wisgoedd edrych yn hŷn mewn ffordd arall, yn ôl yr angen.
• Cynorthwyo yn ystod yr wythnosau cynhyrchu i sicrhau eu bod yn rhedeg yn esmwyth
• Ymgymryd â dyletswyddau Gwisgo a Chynnal a Chadw Gwisgoedd yn ôl yr angen.
• Ymgymryd â gwaith ymarferol mewn perthynas â ffitio, storio gwisgoedd ac offer gwisgoedd, ac arddangosfeydd gwisgoedd.
• Gweithio o fewn cyllidebau penodol a’r adnoddau sydd ar gael.
• Goruchwylio staff achlysurol a myfyrwyr ar leoliad yn ôl yr angen.
• Gweithio gyda'r nos, ar benwythnosau ac oriau hyblyg pan fo angen.
• Cyflawni unrhyw ddyletswyddau rhesymol eraill yn ôl yr angen yn unol â chais y Pennaeth Cynhyrchu, y Rheolwr Cynhyrchu neu'r Rheolwr Gwisgoedd a Wigiau.
• Ymrwymiad i arferion gwaith cynaliadwy.
• Gweithio mewn dull cydweithredol gyda holl Aelodau Cwmni Theatr Clwyd.

Iechyd a Diogelwch

• Sicrhau bod yr holl ofynion Iechyd a Diogelwch yn cael eu bodloni bob amser wrth weithio.
• Sicrhau bod deunyddiau'n cael eu storio a’u defnyddio’n ddiogel a chydymffurfio â rheoliadau a chanllawiau'r Gweithgor Iechyd a Diogelwch (yn enwedig mewn perthynas â COSHH).
• Mynychu hyfforddiant yn ôl yr angen a chynnal ymwybyddiaeth o reoliadau iechyd a diogelwch sy'n benodol i'r gofod a'r offer a ddefnyddir.
• Sicrhau bod yr holl offer arbenigol yn cael ei gau i lawr yn gywir ar ddiwedd pob diwrnod gwaith.
• Sicrhau bod yr holl beryglon posibl yn cael eu gwneud yn ddiogel cyn gynted ag y bo hynny'n ymarferol bosibl.
• Sicrhau bod yr holl offer yn cael ei storio'n ddiogel a'i fod yn hwylus i ddefnyddwyr awdurdodedig gael mynediad ato.
• Helpu i gynhyrchu asesiadau risg a datganiadau dull ar gyfer yr adran gwisgoedd yn ôl yr angen.

Y Person

Hanfodol

• Profiad ymarferol, perthnasol o wneud gwisgoedd, yn ddelfrydol o fewn lleoliad neu gwmni cynhyrchu o faint tebyg.
• Cymwysterau mewn gwneud gwisgoedd i lefel uchel (Safon gradd neu gyfatebol).
• Hyfedredd wrth ddefnyddio peiriannau gwnïo lled-ddiwydiannol a pheiriannau trosgloi.
• Cymhwysedd uchel mewn gwnïo â llaw.
• Dull trefnus ond hyblyg o weithio gyda phrofiad llwyddiannus o gwrdd â therfynau amser, rheoli blaenoriaethau gwrthgyferbyniol a pheidio â chynhyrfu o dan bwysau.
• Gallu clir i weithio fel rhan o dîm ac i ddefnyddio blaengaredd.
• Gallu i fod yn greadigol ac yn ddyfeisgar wrth ddatrys problemau.
• Gwybodaeth ymarferol dda am feysydd arbenigol fel wigiau, gwneud gwisgoedd, gwaith teiliwr, lliwio, torri i lawr.
• Sgiliau rhyngbersonol rhagorol, gyda'r gallu i gyfathrebu'n glir ac yn gyson â phob defnyddiwr yn y theatr a’r gofod digwyddiadau, yn enwedig defnyddwyr nad ydynt yn arbenigwyr.
• Gallu i ddelio'n ddoeth â sesiynau ffitio gwisgoedd i oedolion a phlant gan ddangos dealltwriaeth a gofal.
• Gallu i weithio oriau hyblyg ac anghymdeithasol gan gynnwys gyda’r nosau, penwythnosau a gwyliau banc.
• Lefel uchel o fanwl gywirdeb a sylw i fanylder.
• Ymrwymiad i ragoriaeth artistig.