Mae Theatr Clwyd yn chwilio am unigolyn profiadol, gyda sgiliau mewn adeiladu set, gwaith saer a/neu waith metel, i fod yn rhan o dîm y Gweithdy Adeiladu Golygfaol. Gydag arbenigedd mewn adeiladu setiau, mae’r tîm hwn yn darparu gwasanaeth i gynyrchiadau Theatr Clwyd o’r safonau uchaf posibl, gan weithio yn ein gweithdy adeiladu newydd sbon ar y safle.

Disgrifiad Swydd

Math o Gontract - Parhaol
Oriau - 37 yr wythnos

Y Rôl

Cyfrifoldebau allweddol

Cyffredinol

• Dan reolaeth Rheolwr y Gweithdy, a chan ddefnyddio sgiliau adeiladu mewn gwaith saer a gwneuthuriad metel, bod yn gyfrifol am adeiladu setiau, props neu unrhyw eitem gynhyrchu yn ôl y gofyn, i'r safonau uchaf posibl ac o fewn yr amser a'r gyllideb a neilltuwyd.
• Goruchwylio'r Saer Golygfeydd ac aelodau eraill o dîm y gweithdy, lle bo hynny'n briodol, a helpu i gydlynu'r gweithdy, gan roi gwybod i Reolwr y Gweithdy am gynnydd y gwaith.
• Ar y cyd â Rheolwr y Gweithdy, helpu i gynllunio a rheoli llif gwaith yr adran ac arwain y tîm yn ystod y gwaith adeiladu, ffitio, symud allan a thynnu’r set i lawr yn ôl yr angen, gan sicrhau amgylchedd gwaith diogel a chydymffurfiaeth â'r holl ddeddfwriaeth berthnasol sy'n ymwneud â gweithle diwydiannol (gan gynnwys PUWER, COSHH, LOLER).
• Dirprwyo a rheoli'r adran yn absenoldeb Rheolwr y Gweithdy.
• Gweithio ochr yn ochr â thimau Adeiladu a Golygfeydd i fod yn gyfrifol am amgylchedd gwaith glân, taclus a threfnus a sicrhau cynnal a chadw'r gweithdy o ddydd i ddydd.
• Cynorthwyo i archebu deunyddiau ac offer, monitro a chynnal lefelau stoc y gweithdy.
• Ochr yn ochr â Rheolwr y Gweithdy, rhoi'r holl wybodaeth ymarferol angenrheidiol i’r cynllunwyr.
• Cynorthwyo yn ystod wythnosau ffitio a chynhyrchu i sicrhau eu bod yn rhedeg yn esmwyth.
• Gwneud gwaith ymarferol mewn perthynas â symud i mewn, ffitio, tynnu’r set i lawr a symud allan, gan gynnwys cydosod, rigio, addasu a defnyddio golygfeydd, props, rigio ac offer codi.
• Gweithio gyda Rheolwr y Gweithdy i sicrhau hyfforddiant a monitro perfformiad y Saer Golygfeydd ac aelodau eraill o dîm y gweithdy.
• Dehongli cynlluniau a chynorthwyo i baratoi cynlluniau a darluniau gwaith, gan ddefnyddio CAD a rhaglenni eraill.
• Rhoi gwybod i Reolwr y Gweithdy os oes angen llogi neu brynu unrhyw offer arbenigol.
• Lle bo angen, darparu cymorth technegol i ddefnyddwyr allanol.
• Cysylltu â Rheolwr y Gweithdy a’r Rheolwr Celf Golygfeydd i helpu i sicrhau bod yr adran yn gweithredu'n effeithiol ac yn effeithlon drwy gydol y broses adeiladu, sy'n cynnwys gwaith adeiladu a golygfeydd.
• Mynychu cyfarfodydd yn ôl yr angen a chynrychioli'r adran yn absenoldeb Rheolwr y Gweithdy.

Iechyd a Diogelwch

• Sicrhau bod yr holl ofynion Iechyd a Diogelwch yn cael eu bodloni bob amser wrth weithio.
• Mynychu hyfforddiant yn ôl yr angen a chynnal ymwybyddiaeth o reoliadau Iechyd a Diogelwch sy'n benodol i'r gofod, y peiriannau a'r offer a ddefnyddir.
• Sicrhau bod yr holl offer arbenigol yn cael ei gau i lawr yn gywir ar ddiwedd pob diwrnod gwaith.
• Sicrhau bod yr holl beryglon posibl yn cael eu gwneud yn ddiogel cyn gynted ag y bo hynny'n ymarferol bosibl.
• Cynhyrchu asesiadau risg a datganiadau dull yn ôl yr angen ar gyfer prosiectau neu dasgau penodol.

Y Person

Hanfodol

• Profiad perthnasol ymarferol o weithio ym maes adeiladu, gwaith saer a / neu wneuthuriad metel, mewn amgylchedd gweithdy.
• Sgiliau a hyfforddiant sylweddol mewn dulliau adeiladu gan gynnwys gwaith saer / saernïaeth a / neu weldio a gwneuthuriad metel.
• Profiad clir o weithio mewn tîm a goruchwylio neu arwain prosiectau i'w cwblhau.
• Profiad clir o baratoi a dehongli cynlluniau a darluniau adeiladu, gyda gwybodaeth am CAD a rhaglenni eraill.
• Gallu i ddefnyddio a chynnal ystod eang o offer a pheiriannau gweithdy yn ddiogel ac yn hyderus.
• Gallu i ddefnyddio ystod eang o offer pŵer cludadwy ac offer llaw yn ddiogel ac yn hyderus.
• Meddwl y tu allan i’r bocs; gallu i gynnig atebion creadigol i wireddu cynllun gyda'r adnoddau sydd ar gael.
• Sgiliau rhyngbersonol rhagorol, gyda'r gallu i gyfathrebu'n glir ac yn gyson â phob defnyddiwr theatr a gofod digwyddiadau, yn enwedig defnyddwyr nad ydynt yn dechnegol.
• Dull trefnus o weithio, gydag enw da am gwrdd â therfynau amser a rheoli blaenoriaethau sy’n gwrthdaro.
• Profiad o weithredu gofynion Iechyd a Diogelwch ac asesiadau risg.
• Hyder wrth weithio'n annibynnol, ond hefyd parodrwydd i gydweithredu ar draws llawer o adrannau.
• Gallu gweithio oriau hyblyg ac anghymdeithasol gan gynnwys gyda'r nos ac ar rai penwythnosau.