Mae Curadur yr Oriel yn gyfrifol am ddatblygu, rheoli a chyflwyno rhaglen artistig yr oriel. Mae hyn yn cynnwys curadu arddangosfeydd, ymchwilio a chaffael gweithiau celf, dehongli casgliadau a sicrhau bod gweledigaeth artistig, cenhadaeth addysgol ac amcanion strategol yr oriel yn cael eu cyflawni.

Math o Gontract- Contract Tymor -31/03/2027

Oriau - 7 yr wythnos

Mae'r rôl hon yn gyfartaledd o 7.5 awr yr wythnos. Fodd bynnag, bydd cyfnodau lle mae oriau ychwanegol yn ofynnol, gan adlewyrchu'r gofynion newidiol o fewn gwaith oriel.

Y Rôl

Cyfrifoldebau allweddol

• Cefnogi’r ymchwil a datblygu arddangosfeydd, cyhoeddiadau a digwyddiadau, yn ôl cyfarwyddyd y Cyfarwyddwr Artistig.
• Gweithio'n uniongyrchol gydag artistiaid a datblygu a rheoli prosiectau mannau arddangos Theatr Clwyd.
• Cyfrannu syniadau at gynllunio’r rhaglen yn gyffredinol ar gyfer y dyfodol.
• Meithrin, cydweithredu a chysylltu â benthycwyr, artistiaid, dylunwyr, sefydliadau partner a chydweithredwyr eraill ar gyfer arddangosfeydd a chomisiynau.
• Trefnu neu gynorthwyo gyda dylunio a chynllunio arddangosfeydd, gan gysylltu â dylunwyr a chontractwyr yn ôl y cyfarwyddyd.
• Gweithio i amserlenni sydd wedi’u pennu ar gyfer cynllunio, gosod a thynnu arddangosfeydd i lawr. Sicrhau bod gwybodaeth berthnasol am arddangosfeydd yn fanwl gywir ac yn gyfredol.
• Diweddaru data arddangosfeydd ar gyfer arddangosfeydd penodol, gan gynnwys yr hyn sydd ei angen ar gyfer catalogau, ceisiadau yswiriant a dibenion cludiant, gan weithio mewn cysylltiad ag artistiaid a threfnwyr yn ôl yr angen.
• Cynorthwyo gyda pharatoi contractau.
• Gweinyddu benthyciadau a gwirio cyflwr gweithiau celf a threfnu i fframio / mowntio yn ôl yr angen. Cysylltu â chludwyr amgueddfeydd / orielau yn ôl yr angen.
• Ysgrifennu, golygu a pharatoi labeli arddangosfeydd a thestunau gwybodaeth ar gyfer arddangosfeydd penodol yn ôl yr angen a chydlynu’r gwaith o gynhyrchu'r elfennau graffig yma.
• Cysylltu â'r tîm Marchnata ar ddeunydd cyhoeddusrwydd.
• Unrhyw ddyletswyddau eraill yn ôl yr angen.

Y Person

• Profiad o weithio mewn oriel neu amgueddfa yn trefnu arddangosfeydd.
• Gwybodaeth a phrofiad clir o guradu.
• Diplomyddiaeth, hyblygrwydd, y gallu i gyd-dynnu'n dda â phobl a bod ag agwedd broffesiynol; y gallu i weithio'n annibynnol ac fel aelod o dîm.
• Y gallu i reoli prosiectau arddangosfeydd a chomisiynau artistiaid.
• Sgiliau cyfathrebu ysgrifenedig a llafar rhagorol.
• Sylw rhagorol i fanylder.
• Dull o weithio cyflym ac effeithiol sy'n canolbwyntio ar ganlyniadau.
• Y gallu i weithio i derfynau amser tynn a chynnal dull tawel a threfnus o weithio.