Mae Bryan Cranston (Breaking Bad) a Marianne Jean-Baptiste (Hard Truths) yn ymddangos mewn cynhyrchiad newydd pum seren, clodwiw o ddrama glasurol Arthur Miller, gan y cyfarwyddwr blaengar, Ivo Van Hove (A View from the Bridge).

Un teulu, calon y freuddwyd Americanaidd. Pan mae rhyfel yn dod ag elw i Joe, rhaid talu’r pris wrth i’w bartner gael ei gyhuddo o weithgynhyrchu troseddol, ac mae ei fab hynaf yn mynd ar goll ar faes y gad. A fydd heddwch yn dod â thawelwch meddwl, neu a fydd yn gorfod wynebu canlyniadau ei weithredoedd?

Wedi'i ffilmio'n fyw o'r West End, mae Paapa Essiedu (I May Destroy You), Tom Glynn-Carney (House of the Dragon) a Hayley Squires (I, Daniel Blake) yn ymddangos yn y ddrama ragweledol, gythryblus yma hefyd.