Sioe gerdd-bync beiddgar a llawen wedi’i pherfformio gan un person am greu teulu cwiar ar eich telerau eich hun, wedi’i hysgrifennu a’i pherfformio gan y digrifwr, awdur a’r cyfansoddwr a’i henwebwyd am wobrau, Leila Navabi.

Wedi’i chanmol gan feirniaid, cafodd y sioe ei chynnwys ar restr The Guardian o’r “10 Sioe Orau i Weld” yng Ngŵyl Fringe Caeredin yn yr haf, ac fe’i henwebwyd hefyd ar gyfer Gwobr Ragoriaeth Brighton Fringe.

Mae Relay yn plethu stand-yp, cerddoriaeth electro-pop ac animeiddiad wedi’i dynnu â llaw i greu awr gynnes a doniol am yr hyn sydd ei angen i ddechrau teulu pan fo’r siawns (a’r system) yn eich erbyn. Mae Leila yn plymio i’r daith wyllt o greu babi gartref gyda’i phartner, ei ffrind gorau fel y rhoddwr sberm, ac, wrth gwrs, ei sboner ef yn cefnogi o’r ochr. Mae Navabi yn ymdrin â chariad, uchelgais a’r anrhefn sydd yng nghlwm ag adeiladu teulu ar delerau ei hun. Yn rannol wirion ac yn rhannol drawiadol, mae Relay yn profi fod y cwestiwn o sut mae teulu’n cael ei greu, yn gwestiwn mawr.

Gwerthwyd pob tocyn ar gyfer sioe gyntaf Leila, Composition, yng Ngŵyl Fringe Caeredin yn 2023, cyn cael ei throsglwyddo i Theatr Soho yn Llundain.