Drama a Chreadigrwydd 4, 5 a 6 (Grŵp 1)
1 Hyd - 8 Gorff
Ar gyfer pawb ym mlynyddoedd ysgol 4, 5 a 6
Cyfle i archwilio eich creadigrwydd a dysgu am greu theatr gyda thîm Theatr Clwyd o artistiaid ac arweinwyr gweithdai talentog. Gallwch ddisgwyl cael rhoi cynnig ar lawer o wahanol brofiadau – o actio a dawnsio i gerddoriaeth a gwaith sgript, a mynd tu ôl i’r llenni hyd yn oed efallai. Byddwch yn dysgu sgiliau newydd, rhannu straeon, chwerthin a gwneud ffrindiau newydd.
Mae hwn yn grŵp poblogaidd. Os nad oes lle ar gael, rhowch gynnig ar Drama a Chreadigrwydd 4, 5 a 6 (Grŵp 2) sy’n cael ei gynnal ar yr un diwrnod ac amser.
Pryd mae’r grŵp hwn yn cael ei gynnal?
Dyddiadau Tymor 23-24
Tymor yr Hydref: Maw 25 Medi 2023 – Sad 16eg Rhag 2023
- Hanner Tymor: 30 Hyd 2023 - 4 Tach 2023 (Dim sesiynau)
Tymor y Gwanwyn: Llun 15 Ion 2024 – Sad 23 Maw 2024
- Hanner Tymor: 12 Chwef 2024 - 17 Chwef 2024 (Dim sesiynau)
Tymor yr Haf: Llun 8 Ebrill 2024 – Sad 6 Gorff 2024
- Hanner Tymor: 27 Mai 2024 - 1 Meh 2024 (Gweithgareddau Perfformiad)
Faint mae’n gostio?
Mae'n hanfodol i ni bod unrhyw un yn gallu cael mynediad i'n grwpiau a bydd ein cynllun bwrsari heb gwestiynau yn parhau yn ei le eleni. Mae’r cynllun yma’n eich galluogi chi i dalu’r pris llawn o £220 y flwyddyn, gwneud cais am 25% o ostyngiad a thalu £165 y flwyddyn, gwneud cais am 50% o ostyngiad a thalu £110 y flwyddyn neu wneud cais am fwrsari 100% a thalu dim. Mae gennym ni dair lefel o fwrsari sy’n cynnig gwahanol lefelau o ostyngiad.
Nid oes gennym broses ymgeisio fanwl am fwrsarïau gan ein bod yn ymddiried ynoch chi i dalu’r hyn y gallwch ei fforddio. Diolch i'ch gonestrwydd chi gall y rhai sydd angen ychydig o help gael y gostyngiad sydd arnynt ei angen i gymryd rhan. Os oes unrhyw beth arall yn eich atal chi rhag cymryd rhan, fel mynediad neu broblemau gyda theithio, anfonwch e-bost at takepart@theatclwyd.com ac fe wnawn ein gorau glas i helpu |
Archebu
I archebu, cysylltwch â'r swyddfa docynnau ar 01352 344101
Os oes gennych unrhyw gwestiynau neu os oes angen unrhyw help arnoch yna mae ein tîm yma i'ch cefnogi.
E-bost: box.office@theatrclwyd.com
Ffôn: 01352 344101