Dydd Mawrth 16 o Fedi - 2-5yh

Adeilad Dewi Sant

Mae Davina Moss, Rheolwr Llenyddol yn Theatr y Sherman, yn ymuno â ni i arwain sesiwn ddeinamig sy'n canolbwyntio ar ddatblygu syniadau newydd ar gyfer y llwyfan. Gan ddefnyddio ei phrofiad helaeth o gefnogi awduron a chyfarwyddwyr i greu gwaith beiddgar, gwreiddiol, bydd Davina yn tywys y cyfranogwyr drwy gwestiynau allweddol i'w gofyn wrth lunio drama newydd. Bydd y gweithdy'n archwilio sut i danio syniadau gyda'r potensial i ddod yn ddrama, ac yn cynnig technegau i greu cymeriadau beiddgar a gwreiddiol.Mae'r sesiwn yma’n ddelfrydol ar gyfer dramodwyr, cyfarwyddwyr sydd â diddordeb mewn ysgrifennu newydd, ac unrhyw un sydd ag angerdd dros fyd y ddrama. Mae'n addo bod yn gyfle gwerthfawr i archwilio'r broses greadigol yn drylwyr a chydweithio i ddatblygu theatr newydd gymhellol. Bydd lle wedi'i neilltuo ar gyfer cwestiynau am y Sherman ac ysgrifennu dramâu yng Nghymru.Davina Moss yw’r Rheolwr Llenyddol yn Theatr y Sherman, Caerdydd, lle mae hi wedi gweithio fel dramatwrg ar nifer o gynyrchiadau a gafodd glod gan y beirniaid ac mae wedi cefnogi datblygiad dramodwyr arobryn. Mae ei phrosiectau diweddar yn cynnwys Hot Chicks gan Rebecca Hammond a The Women of Llanrumney gan Azuka Oforka. Cyn ymuno â'r Sherman, roedd Davina yn Rheolwr Llenyddol yn Theatr Hampstead, Llundain ac mae hefyd wedi gweithio fel dramatwrg yn y Public Theater (Efrog Newydd) a'r Liverpool Everyman and Playhouse.

Dydd Sadwrn 20 Medi | 14:00 - 16:00
Adeilad Dewi Sant, Yr Wyddgrug

Mae Stiwdio Clwyd yn ymuno â'r tîm yn Stand Tall ar gyfer gweithdy arbennig ar gydweithredu, byrfyfyrio a greddf artistig.

Dewch i archwilio sut mae byrfyfyrio’n dod â phobl at ei gilydd – drwy weithio’n ddigymell, ymddiriedaeth, a rhannu creadigrwydd. Byddwn yn archwilio deialog ac iaith y corff drwy gemau, gan ddatgelu pŵer cydweithio i adeiladu realiti. Nid dim ond perfformiad sy’n bwysig – mae'n ymwneud â phresenoldeb, posibilrwydd a chymuned. Mae'r sesiwn yma’n addas ar gyfer awduron, cyfarwyddwyr, cynhyrchwyr, actorion, cerddorion a phawb yn y canol. Does dim angen profiad – dim ond chi'ch hun!

Dydd Iau 25 Medi | 13:30 - 15:30
Adeilad Dewi Sant, Yr Wyddgrug

Treuliwch brynhawn gyda Billy a gweddill tîm Stiwdio Clwyd i archwilio celfyddyd, eich llais mynegiannol a'r man cyfarfod rhwng ein bywydau ni fel pobl greadigol a chydweithwyr. Byddwn yn defnyddio symudiad i sbarduno sgwrs ond does dim angen i chi fod yn broffesiynol. Bydd cyfleoedd hefyd i fraslunio, ysgrifennu neu drafod.

Oes gennych chi syniad rydych chi'n ceisio gweithio drwyddo? Neu'n ansicr ble i ddechrau? Neu ddim ond yn awyddus i gysylltu â gweddill yr artistiaid o'ch cwmpas chi? Dewch draw i ddefnyddio'r sesiwn yma fel cyfle am ailddechrau creadigol!

Mae Billy Maxwell Taylor yn grëwr theatr rhyngddisgyblaethol ac yn artist dawns sy'n creu eiliadau o lonyddwch yng nghanol y prysurdeb. Mae ei ymarfer yn seiliedig ar ymchwil mewn butoh (theatr dawns Japaneaidd), cyswllt a myfyrdod, ac mae hefyd yn ystyried dawns bywyd bob dydd: gwneud coffi, cerdded yn y parc, gofalu am erddi. Mae'n gwneud gwaith drwy Theatr Dawns Eira, gan rannu profiadau theatr myfyriol ledled y DU.