Rhwydwaith Artistiaid
Gofod i bobl greadigol gysylltu, gydweithio a chefnogi ei gilydd
Nid yw'n le am gyfleoedd gwaith - mae'r rhwydwaith yn ymwneud ag adeiladu cymuned artistig gref lle gellir rhannu syniadau, profiadau ac ysbrydoliaeth. P’un a ydych chi’n actor, yn awdur, yn gyfarwyddwr neu’n ymarferwr creadigol, ymunwch â ni i gwrdd ag artistiaid o’r un anian a thyfu gyda’n gilydd.
Local Artist Events
Actor's Gyms
Lle i actorion ym mhob cam o ran profiad archwilio, chwarae a thyfu.
Dan arweiniad y Cyfarwyddwr Hyfforddai Preswyl Dena Davies, bydd y gweithdai lled-reolaidd yma’n defnyddio dramâu wedi’u cyhoeddi fel sylfaen i blymio i sgiliau newydd, archwilio rhywfaint o destun a gweithio eich cyhyrau actio mewn amgylchedd cefnogol.
Mae manylion y sesiynau, testunau’r dramâu a’r dyddiadau cau i gofrestru ar gael isod. Bydd copïau o'r sgript yn cael eu dosbarthu i’r cyfranogwyr 48 awr cyn pob sesiwn.
Er bod y sesiynau yma ar agor i unrhyw un 14+ oed, maen nhw wedi cael eu cynllunio i gefnogi ymarfer actorion, perfformwyr a phobl greadigol proffesiynol. Os ydych chi mewn hyfforddiant neu addysg ac yn ansicr ynghylch a fyddai'r sesiwn yn hygyrch, cysylltwch â stiwdio@theatrclwyd.com.
Dydd Mercher 18 Mawrth | 14:30 - 17:30
Dyddiad cau i gofrestru: Dydd Gwener 13 Mawrth, 5pm
Cymorthfeydd Cynhyrchwyr
Oes gennych chi brosiect rydych chi'n gyffrous amdano, ond yn methu â meddwl sut i'w symud ymlaen? Treuliwch amser gyda Chynhyrchydd yn Theatr Clwyd a chael cyngor adeiladol a chefnogol ar eich cam nesaf. Bydd y sesiynau yma’n rhoi'r ffocws lle mae arnoch ei angen fwyaf, sy'n golygu y gallwn deilwra'r drafodaeth i ganolbwyntio ar gyllid, cynllunio prosiectau, datblygu partneriaethau neu rywbeth hollol wahanol. Archebwch eich slot i ymuno â ni am baned a sgwrs!
Sylwch: Mae'r sesiynau yma’n gyfarfodydd un i un, wedi'u cynllunio i gefnogi artistiaid sydd â syniadau, prosiectau neu broblemau penodol maen nhw’n chwilio am gyngor arnynt. Nid ydynt wedi'u cynllunio i archwilio cysyniadau creadigol neu syniadau ddramatwriaethol, ond yn hytrach i roi cymorth logistaidd a chynllunio yn unol â nodau presennol artist. Disgwylir i bawb sy'n archebu sesiwn ddarparu dadansoddiad 5 diwrnod gwaith ymlaen llaw o leiaf sy'n cwmpasu eu syniad, eu rhwystrau presennol, ac (os yw’n berthnasol) eu cyllideb.
Os ydych chi'n chwilio am gefnogaeth gyffredinol neu gyngor gyrfaol, cysylltwch â stiwdio@theatrclwyd.com i drefnu cyfarfod.
Oni bai ein bod yn nodi yn wahanol, bydd y cyfarfodydd yma yn Saesneg.
Dydd Iau 12 Mawrth | 17:00 - 18:15
gyda Branwen Jones
Dydd Iau 12 Mawrth | 18:30 - 19:45
gyda Lucy Haslingden