Rydyn ni’n chwilio am Ddirprwy Reolwr Profiad egnïol, hyderus gyda’i ffocws ar bobl i helpu i arwain ein gweithrediadau blaen tŷ ac i roi croeso eithriadol i bob Gwestai, artist ac Aelod o'r Cwmni yn Theatr Clwyd.

Mae hwn yn gyfle cyffrous i rywun sy'n ffynnu mewn amgylchedd cyflym ac sydd wrth ei fodd yn creu profiadau cofiadwy i Westeion. O oruchwylio perfformiadau a dangosiadau ffilmiau i gefnogi'r tîm Profiad a sicrhau bod yr adeilad yn rhedeg yn ddiogel ac yn esmwyth, byddwch yn chwarae rhan allweddol wrth galon ein sefydliad.

Os ydych chi'n ymarferol, yn drefnus, yn hawdd siarad â chi ac yn angerddol am letygarwch, gwaith tîm a darparu gwasanaeth eithriadol, byddem wrth ein bodd yn clywed gennych chi.

Math o Gontract- Parhaol

Oriau - 16 yr wythnos

Y Rôl

Cyffredinol

• Sicrhau bod Croeso Clwyd yn cael ei gyflwyno gan y tîm Profiad.
• Cymell, arwain drwy esiampl a goruchwylio'r tîm Profiad, gan gynnwys y gwirfoddolwyr, yn ddyddiol drwy gynnal y safonau uchaf o gyflwyno; dangos agwedd gadarnhaol; delio'n brydlon ac yn broffesiynol ag unrhyw geisiadau a darparu gwasanaeth cwsmeriaid rhagorol i bawb.

Rheoli Dyletswyddau’r Adeilad

• Goruchwylio'r Ddesg Groeso i gefnogi'r tîm Profiad i greu amgylchedd croesawgar
• Monitro System Reoli’r Adeilad i sefydlu'r defnydd cywir o awyru, goleuadau ac ynni ac i wirio statws systemau tân a diogelwch.
• Sicrhau bod prosesau diwedd y dydd fel cyfrif arian yn cael eu rheoli'n effeithiol ac yn ddiogel.
• Bod yn gyfrifol am gloi a diogelu'r adeilad ar ddiwedd y shifft olaf bob dydd

Goruchwylio Digwyddiadau Byw

• Cyflwyno gweithgarwch digwyddiadau yn unol â gweithdrefn weithredu safonol y lleoliad gan ddarparu profiad rhagorol i gwsmeriaid
• Bod yn bresennol yn rheolaidd o amgylch y mannau cyhoeddus yn yr adeilad, gan ymgysylltu â defnyddwyr yr adeilad, sicrhau adborth, datblygu perthnasoedd a hyrwyddo Theatr Clwyd yn gadarnhaol
• Goruchwylio lles a diogelwch y gynulleidfa a chynnal gwasanaethau cwsmeriaid rhagorol bob amser.
• Croesawu pob cwmni, perfformiwr ac artist pan fyddant yn yr adeilad a sicrhau eu bod yn teimlo eu bod yn cael eu cefnogi.
• Annog perthynas waith gref gyda'n partner arlwyo a helpu Gwesteion gyda'u hymholiadau am fwyta yn yr adeilad.

Trwyddedu, Iechyd a Diogelwch

• Sicrhau cydymffurfiaeth bob amser â phob polisi a gweithdrefn statudol ar gyfer tân, diogeledd, Iechyd a Diogelwch ac argyfwng.
• Sicrhau bod rheoliadau trwyddedu ac Iechyd a Diogelwch yn cael eu dilyn bob amser.
• Goruchwylio a mynychu ymarferion tân, a gyda'r Rheolwr Profiad, sicrhau bod pob aelod o'r tîm Profiad yn gwybod beth yw’r weithdrefn gywir a bod aelodau'r tîm yn derbyn hyfforddiant ymwybyddiaeth tân rheolaidd.
• Mabwysiadu rôl arwain wrth wagio'r adeilad os oes angen.
• Gweithredu fel swyddog cymorth cyntaf ar gyfer Theatr Clwyd (bydd hyfforddiant yn cael ei roi os oes angen).
• Cadw cofnodion o unrhyw ddigwyddiadau neu ddamweiniau a chadw cyflenwadau Cymorth Cyntaf priodol.

Y Person

• Profiad ymarferol mewn rôl weithredol yn delio â chwsmeriaid mewn lleoliad diwylliannol, atyniad ymwelwyr, arlwyo, manwerthu, gwesty, bwyty, bar neu amgylchedd lletygarwch arall a / neu gymhwyster cydnabyddedig priodol.
• Dangos angerdd dros weithio o fewn y sector celfyddydau perfformio.
• Profiad o oruchwylio a chymell ac ysbrydoli aelodau tîm rheng flaen (staff a gwirfoddolwyr) yn gadarnhaol drwy arferion gwaith rhagorol.
• Gwybodaeth am ofynion y Ddeddf Gwahaniaethu ar sail Anabledd a gweithio gyda chynulleidfaoedd / ymwelwyr ag anableddau.
• Sgiliau gweinyddu trefnus ac effeithiol.
• Sgiliau TG medrus.
• Gallu clir i gyfathrebu'n effeithiol ac yn hyderus, ar lafar ac yn ysgrifenedig, gyda grwpiau amrywiol o bobl.
• Dealltwriaeth o amrywiaeth a chynhwysiant ac ymrwymiad iddynt.
• Ymrwymiad i ragoriaeth artistig.
• Agwedd hyblyg at oriau gwaith i ddiwallu anghenion y gwasanaeth, gan gynnwys gweithio gyda'r nos, ar benwythnosau ac ar wyliau banc.