Mae'r Cynorthwy-ydd Marchnata yn gweithredu ymgyrchoedd marchnata gyda chefnogaeth y rheolwr llinell. Bydd yn canolbwyntio ar ein gwefan ni a'n system e-bost i sicrhau bod y ddau faes yn darparu profiad cynulleidfa o'r radd flaenaf. Mae'r rôl hon yn rhan o dîm agos sydd â’i ffocws ar werthiant, gyda phwyslais ar sicrhau’r incwm gorau posib o sioeau drwy weithredu ymgyrchoedd. Mae’n gweithio fel rhan o'r Tîm Marchnata i sicrhau ein bod yn cyrraedd targedau, yn croesawu’r cynulleidfaoedd mwyaf posibl, yn denu ymwelwyr newydd, yn cynnal lefelau uchel o incwm a enillir ac yn ennill cydnabyddiaeth brand ragorol. Mae hefyd yn cefnogi gweithgarwch ehangach ein gwaith (gan gynnwys Ymgysylltu Creadigol, Bryn Williams a Cherddoriaeth Theatr Clwyd) i godi proffil y sefydliad.

Math o Gontract- Contract Tymor -6 Mis

Oriau - 37 yr wythnos

Y Rôl

Cyfrifoldebau allweddol

E-Bost

• Defnyddio Dotdigital i greu ymgyrchoedd e-bost wedi'u targedu, deinamig a chreadigol.
• Archwilio ffyrdd o gynyddu effaith ein hymgyrch e-bost gan gynnwys drwy ymgyrchoedd awtomatig gyda chefnogaeth y rheolwr llinell.
• Sicrhau’r wybodaeth ddiweddaraf am ddatblygiadau mewn marchnata ar e-bost.
• Monitro ymgysylltu drwy adrodd dadansoddol.

Cyffredinol

• Gweithredu elfennau o ymgyrchoedd Cyfathrebu, dan arweiniad y rheolwr llinell. Gall hyn gynnwys:
  • Ysgrifennu testun (e.e. post uniongyrchol, e-bost, gwefan, cyfryngau cymdeithasol, datganiadau i'r wasg, dogfennau briffio)
  • Deunydd wedi’i argraffu (e.e. monitro lefelau, cynyddu dosbarthiad, adnewyddu posteri)
  • Casglu a chreu asedau marchnata (e.e. delweddau, adolygiadau, podledu, fideo, gwybodaeth am y rhaglen)
  • Dosbarthiad (e.e. taflen sinema i lyfrgelloedd, taflenni yn yr allanfa)
  • Cynnal a Chadw Cronfa Ddata (e.e. argraffu, lleoliadau dosbarthu)
  • Gwefan (e.e. y gallu i ychwanegu cynnwys at y wefan)
  • Y Wasg a Chysylltiadau Cyhoeddus (e.e. mewnbynnu rhestrau'r wasg, cwrdd a chyfarch newyddiadurwyr, gofalu am actorion mewn cyfweliadau)
  • Cyfryngau Cymdeithasol (e.e. y gallu i ysgrifennu a phostio cynnwys cyfryngau cymdeithasol, ateb ymholiadau)

• Mynychu digwyddiadau i siarad â'r cyhoedd am waith y theatr a dosbarthu deunyddiau marchnata.
• Bod yn gyfarwydd yn gyson â brandiau Theatr Clwyd a Neuadd William Aston, y segmentiadau a’r Strategaeth Cyfathrebu a Chyfrannu.

Gwefan

• Sicrhau bod tudalennau statig a digwyddiadau gwefannau Theatr Clwyd a Neuadd William Aston yn fanwl gywir, yn ddeinamig ac yn cael eu sbarduno gan werthiant.
• Archwilio ffyrdd o gynyddu effaith ein gwefannau.
• Sicrhau’r wybodaeth ddiweddaraf am ddatblygiadau mewn gwefannau.
• Monitro ymgysylltu drwy adrodd dadansoddol Google.

Y Person

• Profiad neu wybodaeth sylfaenol am farchnata.
• Profiad o ddefnyddio gwefannau, systemau e-bost (e.e. Mailchimp), cyfryngau cymdeithasol (yn enwedig Meta), Word, Excel i lefel uchel.
• Sgiliau cyfathrebu ysgrifenedig a llafar rhagorol.
• Gweithio'n gyflym ac yn chwim wrth amsugno adborth a diwygio yn unol â hynny.
• Gallu meddwl yn hyblyg a’r tu allan i’r bocs, rheoli tasgau niferus a gweithio dan bwysau.
• Ymrwymiad i ragoriaeth ac egni di-baid i fod y gorau.
• Defnydd rhagorol o iaith – dawn ysgrifennu a'r gallu i ysgrifennu mewn amrywiaeth o gyd-destunau a chyweiriau.