Rydyn ni’n chwilio am Gynorthwy-ydd Cyllid sy'n rhoi sylw i fanylder ac sydd â brwdfrydedd i ymuno â'n tîm cyllid. Mae hwn yn gyfle gwych i unigolyn sy'n awyddus i ddatblygu ei yrfa mewn cyllid wrth gefnogi gweithrediadau ariannol o ddydd i ddydd sefydliad deinamig sy'n tyfu.

Math o Gontract- Parhaol

Oriau - 20 yr wythnos

Y Rôl

Pwrpas y Swydd

Cefnogi’r gwaith o weithredu’r Adran Gyllid yn esmwyth drwy gynorthwyo'r Rheolwr Cyllid a'r Uwch Gynorthwy-ydd Cyllid, gan ddefnyddio barn a blaengaredd i sicrhau atebolrwydd ariannol a lles Theatr Clwyd.

Cyfrifoldebau allweddol

• Monitro'r mewnflwch e-bost Cyllid ar gyfer anfonebau Cyflenwyr, ceisiadau newydd gan Gyflenwyr a Chwsmeriaid ac ati.
• Cysylltu â staff ledled y sefydliad ynghylch system archebu electronig TCT a TCE "Xledger" a sicrhau bod y prosesau cywir yn cael eu dilyn.
• Cofrestru anfonebau, paru anfonebau prynu gydag archebion prynu, cysoni datganiadau Cyflenwyr, sefydlu Cyflenwyr a Chwsmeriaid newydd.
• Mewnbynnu trafodion i'r system gyfrifo.
• Sicrhau codio cywir i bob trafodyn.

• Gweithredu fel cymorth ariannwr ar gyfer bancio Blaen Tŷ, y Swyddfa Docynnau a Neuadd William Aston lle bo angen.
• Gwirio bod hawliadau treuliau staff yn cadw at y symiau cywir yn unol â'r polisi teithio a threuliau cyfredol cyn eu postio i'r system gyfrifo.
• Prosesu cyfnodolion incwm i'r System Gyllid o incwm masnachu a systemau tocynnau swyddfa docynnau.
• Monitro'r system arian parod electronig "Soldo" gan sicrhau bod digon o arian ar gael ac uwchlwytho trafodion i'r system Gyllid ar gyfer TCT a TCE.
• Uwchlwytho trafodion cerdyn corfforaethol i'r system Gyllid ar gyfer TCT a TC

• Mynychu cyfarfodydd rheolaidd gyda'r Adran Gyllid.
• Cynrychioli a hyrwyddo'r sefydliad yn gadarnhaol ar bob lefel.
• Cyflawni unrhyw ddyletswyddau eraill ar gais rhesymol yr Uwch Gynorthwy-ydd Cyllid.

Y Person

• Sgiliau TG rhagorol gyda lefel uchel o fedrusrwydd mewn Excel.
• Meddwl creadigol ac arloesol mewn perthynas â datrys problemau.
• Sgiliau cyfathrebu rhagorol a'r hyder i wneud cyfraniad llawn at gyfeiriad cyffredinol y sefydliad.
• Y gallu i weithio'n fanwl gywir gyda sylw rhesymegol i fanylion.
• Agwedd gyfeillgar a phroffesiynol.
• Y gallu i fod yn aelod effeithiol o dîm ac ymgysylltu â holl weithgareddau’r theatr.
• Dull hyblyg, ymarferol o weithio gydag agwedd gadarnhaol a pharodrwydd i ddysgu.
• Ymrwymiad i ragoriaeth artistig.