Bydd y Cynhyrchydd yn rhan o’r teulu Creu Theatr ac mae'n un o gynhyrchwyr llinell cynyrchiadau Theatr Clwyd gartref ac ar daith. Bydd yn defnyddio gwybodaeth arbenigol sylweddol am gynhyrchu theatr, a dull creadigol o wneud hynny, i gefnogi'r Cyfarwyddwr Cynhyrchu i Gyflwyno'r gwaith sydd wedi’i raglennu ar draws yr adeilad a thu hwnt.

Math o Gontract- Parhaol

Oriau - 37 yr wythnos

Y Rôl

Cyfrifoldebau allweddol

Cyffredinol

• Cyfrannu at y strategaeth a'r cyfeiriad cyffredinol drwy wneud argymhellion i'r Cyfarwyddwr Cynhyrchu ar gynlluniau strategol, blaenoriaethau ac atebion arloesol.
• Bod yn atebol am reoli cyllideb o fewn y Tîm.
• Sicrhau bod y Tîm Cynhyrchu’n gwneud cyfraniad sylweddol at lwyddiant cyffredinol Theatr Clwyd ac at fyd y celfyddydau ledled y DU.
• Annog cymryd risgiau, gwaith caled a meddwl yn greadigol a hyrwyddo diwylliant cadarnhaol a chefnogol.
• Arwain drwy esiampl, gan gyfathrebu, dylanwadu a hyrwyddo ethos y cwmni a safonau rhagorol Theatr Clwyd.

Cynhyrchu Llinell

• Cymryd yr awenau ar amserlennu prosiectau a gyrru'r broses gyflwyno yn ei blaen, unwaith bydd y Cyfarwyddwr Cynhyrchu, y Cyfarwyddwr Gweithredol a'r Cyfarwyddwr Artistig wedi sefydlu'r cyd-destun a'r strwythur cynhyrchu.
• Bod yn gyfrifol am greu cyllidebau cynhyrchu ochr yn ochr â'r Cyfarwyddwr Cynhyrchu, y Cyfarwyddwr Gweithredol a'r Cyfarwyddwr Cyllid, Gweithrediadau a Phobl, a chysylltu â hwy ar bob agwedd ar gyfrifon cynhyrchiad.
• Mewn cydweithrediad â'r Cyfarwyddwr Cynhyrchu, arwain ar gontractio a thrafod, gan gynnwys gwaith ymweld, cytundebau cydgynhyrchu a chomisiynau.
• Mynychu a chymryd rhan weithredol mewn cyfarfodydd cynhyrchu a bod yn bwynt cyswllt cyntaf i Dimau Cynhyrchu ar gyfer unrhyw faterion sy'n codi yn ystod y cynhyrchiad neu'r perfformiadau, gan gynnal amgylchedd adeiladol, proffesiynol a diogel ar gyfer y timau.

Arall

• Sicrhau gwybodaeth gyfredol am dueddiadau'r diwydiant drwy fynychu sioeau, cynadleddau a digwyddiadau hyfforddi a dilyn newyddion, cyfryngau cymdeithasol ac adolygiadau.
• Dilyn arferion gorau ar draws y diwydiant drwy ddatblygu a chynnal perthnasoedd gydag amrywiaeth o gynhyrchwyr eraill yn y sectorau â chymhorthdal ​​a masnachol.

Y Person

• Profiad arbenigol sylweddol o weithio ar lefel uwch mewn rôl gynhyrchu mewn theatr gynhyrchu.
• Profiad sylweddol o gasglu a rheoli timau cynhyrchu a chreadigol.
• Profiad o drafod a drafftio contractau.
• Profiad o archebu taith.
• Enw da am reolaeth llinell, neu reoli tîm, ynghyd â'r gallu i arwain a chymell pobl.
• Sgiliau rheolaeth ariannol cadarn, gyda phrofiad o weithio gyda chyllidebau cymhleth.
• Sgiliau cyfathrebu a thrafod rhagorol, gan flaenoriaethu cyfathrebu llafar, yn enwedig mewn sgyrsiau anodd.
• Sylw rhagorol i fanylder.