Rydym yn chwilio am arweinydd drymiau/offerynnau taro ysbrydoledig ac ymroddedig i ymuno â'n tîm o Gerddorion Cyswllt sy'n darparu gwersi, ensemble a gweithdai o ansawdd uchel ledled Sir y Fflint. Bydd mwyafrif y rôl yn addysgu gwersi ac arwain gweithdai mewn ysgolion, ond efallai y bydd cyfle i arwain sesiynau y tu allan i amser ysgol yn Theatr Clwyd ac yn ein cymunedau.

Math o Gontract- Parhaol

Oriau - 21 yr wythnos

Y Rôl

Pwrpas y Swydd

Bydd Cyswllt y Gwasanaeth Cerddoriaeth yn gyfrifol am gynllunio a chyflwyno addysgu offerynnol / lleisiol unigol a grŵp o ansawdd uchel, sesiynau gweithdai a rhaglenni ensemble yn ôl y cyfarwyddyd. Bydd hefyd yn chwarae rhan greadigol ac ymarferol wrth gyflwyno perfformiadau, gweithdai a digwyddiadau. Fel eiriolwr ar ran y gwaith rydyn ni’n ei wneud gyda phobl ifanc a’r gymuned ehangach, bydd yn cyfrannu at y weledigaeth gyffredinol sy’n adeiladu ar ein henw da am ddysgu creadigol o ansawdd uchel ac ymgysylltu ystyrlon.

Cyfrifoldebau allweddol

• Ysbrydoli eich myfyrwyr gyda hoffter o ddysgu a chreu cerddoriaeth.
• Addysgu ystod o sgiliau cerddoriaeth cynyddol gan alluogi myfyrwyr i ddysgu, mewn ffordd bleserus, chwarae offeryn, canu a / neu ddefnyddio technoleg cerddoriaeth.
• Cyflwyno hyfforddiant cerddoriaeth o ansawdd uchel i ystod eang o fyfyrwyr ar draws ystod o leoliadau:
  • meithrin amgylchedd dysgu cefnogol a chynhwysol i bob disgybl.
  • defnyddio repertoire / deunydd cerddorol sy'n cynrychioli gwahanol arddulliau a diwylliannau.
  • archwilio a defnyddio ystod o strategaethau addysgu a dysgu.
  • cynllunio gwersi a rhaglenni dysgu.
  • monitro, asesu ac adrodd ar gynnydd cerddorol, personol a chymdeithasol.
  • cynnwys myfyrwyr wrth gynllunio sut maent eisiau dysgu a chreu cerddoriaeth.
  • datblygu adnoddau ac addasu arfer i weddu i anghenion a diddordebau pob dysgwr.
  • creu perthnasoedd cadarnhaol ac ysbrydoledig gyda myfyrwyr
  • cyfeirio a monitro'r niferoedd sy'n manteisio ar gyfleoedd cynnydd

• Arwain a chyfarwyddo ensembles / grwpiau cerddorol yn ôl y gofyn, gan baratoi deunydd addas, a chefnogi cyfleoedd perfformio neu recordio.
• Arwain gweithdai a digwyddiadau untro yn ôl yr angen, gan gydweithio â chydweithwyr o TC a sefydliadau partner
• Gweithio fel rhan o dîm a meithrin perthnasoedd cadarnhaol gyda holl staff yr ysgolion a'r lleoliadau, y Cysylltiadau Cerddoriaeth eraill, y rheolwyr, aelodau cwmni Theatr Clwyd a’r uwch arweinwyr.

Y Person

Adran 1: Gwybodaeth a Phrofiad

• Profiad o ddysgu, creu a pherfformio cerddoriaeth a / neu hwyluso addysg cerddoriaeth.
• Dealltwriaeth o fanteision gwahanol ffyrdd o ddysgu cerddoriaeth
• Deall y rhwystrau y gall pobl ifanc eu hwynebu wrth geisio creu cerddoriaeth.
• Deall sut mae dysgu cerddoriaeth yn cefnogi datblygiad personol a chymdeithasol.
• Dealltwriaeth o'r hyn sy'n ysgogi myfyrwyr, ac yn enwedig pobl ifanc, i ddysgu.
• Profiad o ymateb i her, a gwybodaeth am bryd a sut i ofyn am gymorth.
• Diddordeb mewn cyflwyno profiad dysgu myfyriwr-ganolog sy'n gwerthfawrogi ac yn ymateb i anghenion a diddordebau unigolion, o fewn a thu hwnt i'ch arbenigedd cerddorol.

Adran 2: Sgiliau a Chymwyseddau

• Lefel uchel o hyfedredd yn eich maes arbenigedd, e.e. offeryn, lleisiol, technoleg cerddoriaeth
• Y gallu i gynllunio a chyflwyno profiadau dysgu o ansawdd uchel i ddenu a datblygu ystod eang o fyfyrwyr, yn gerddorol, yn bersonol ac yn gymdeithasol.
• Y gallu i greu amgylchedd dysgu diogel, a chyfathrebu'n effeithiol er mwyn meithrin perthnasoedd cadarnhaol gyda myfyrwyr a chydweithwyr.
• Y gallu i berthnasu a gwrando ar fyfyrwyr i gynllunio gweithgareddau sy'n ymateb i'w diddordebau a'u hanghenion.
• Strategaethau ar gyfer rheoli dysgu mewn grwpiau; creu dysgu sy'n cynnig lefel o her ac annibyniaeth sy'n briodol i oedran, gallu, capasiti a chyd-destun.
• Trwydded yrru lawn, ynghyd â defnydd o gar ac yswiriant sy'n briodol i ddefnyddio'r car at ddibenion busnes yn ogystal â theithio i ac o'r gwaith.
• Agwedd hyblyg at waith a pharodrwydd i weithio gyda'r nos ac ar benwythnosau ar sail ad hoc, pan fo angen, i ddiwallu anghenion y sefydliad