Mae dau berson ifanc yn ffansio’i gilydd. Mae ‘na ddau arall sy’n ffansio’i gilydd ‘fyd.

Mae’r ddau bar yn dilyn llwybrau eithaf tebyg wrth i’w perthynas ddatblygu.

Tan i brofiad un fynd i gyfeiriad hollol wahanol.

Mae Ie Ie Ie yn addasiad Cymraeg o Yes Yes Yes; sioe fyw arobryn gan y gwneuthurwyr theatr o Aoteaora/Seland Newydd, Karin McCracken ac Eleanor Bishop. Gyda Juliette Manon yn cyfarwyddo, mae’r sioe yn cynnwys cyfweliadau gonest gyda phobl ifanc Cymru, perfformiad unigol bachog, a chyfle i’r gynulleidfa gyfrannu. Dyma ddarn o theatr pwysig am brofiadau bywyd go iawn pobl ifanc heddiw sy’n codi cwestiynau hanfodol am berthnasau iach, chwant a chaniatâd.

Mewn cydweithrediad ag Aurora Nova

Comisiynwyd Yes Yes Yes yn wreiddiol gan Auckland Live

Bydd Capsiynau yn Gymraeg ac yn Saesneg ar gyfer y perfformiad yma.

Nodir os gwelwch yn dda:

Os yn archebu i weld y capsiynau Cymraeg, y seddi gorau i chi eu harchebu yw y rhai i'r dde o'r awditoriwm tra'n gwynebu'r llwyfan (rhifau seddi is).

Os yn archebu i weld y capsiynau yn Saesneg, bydd y seddi gorau i'r chwith o'r wditoriwm tra'n gwynebu'r llwyfan (rhifau seddi uchaf).