Bydd y Cyfarwyddwr Cynorthwyol yn gynorthwy-ydd i'r cyfarwyddwr Kate Wasserberg yn ogystal â phobl greadigol allweddol eraill ar y cynhyrchiad, gan gynnwys y Cyfarwyddwr Iaith Arwyddion Prydain, Adam Bassett, a'r Cyfarwyddwr Cyswllt, Katie Elin-Salt, ar gynhyrchiad UNDER MILK WOOD.

Mae'r cyfle’n rhedeg o 19eg Ionawr 2026 tan 20fed Mawrth 2026. Disgwylir i'r ymgeisydd llwyddiannus fod yn bresennol yn yr adeilad yn llawn amser yn ystod y lleoliad. Yr oriau gwaith arferol fydd 10am – 6pm, ond bydd angen gweithio gyda'r nos ac ar benwythnosau, yn enwedig yn ystod yr wythnosau technegol a’r sioeau ymlaen llaw

Bydd y rôl yn cynnwys, ond heb fod yn gyfyngedig i’r canlynol:

• Cefnogi'r Cyfarwyddwr yn ystod y broses ymarfer drwy gymryd nodiadau a chefnogi cynnal yr ymarferion a’r ymarfer technegol yn esmwyth.

• Mynychu pob ymarfer, cyfarfod cynhyrchu, ymarferion technegol, sioeau ymlaen llaw, a’r noson i westeion.

• Cyfrannu at drafodaethau gyda'r tîm creadigol ac mewn cyfarfodydd cynhyrchu.

• Cynnal unrhyw ymchwil a fydd yn llywio ac o fudd i'r cynhyrchiad fel y cytunir gyda'r Cyfarwyddwr.

• Pan ofynnir i chi wneud hynny, goruchwylio ymarferion, arwain ymarferion cynhesu, camu i mewn i rôl y cyfarwyddwr i arwain ymarferion, a chefnogi gyda gofal bugeiliol yr actorion a'r tîm creadigol.

• Bod yn seinfwrdd yn yr ystafell ymarfer, cynnig nodiadau lle bo hynny'n briodol a bod yn arsylwr gweithredol yn yr ystafell i gymryd rhan mewn trafodaethau defnyddiol a gweithredol gyda'r cyfarwyddwr y tu allan i'r ystafell ymarfer.

• Lle bo angen, cefnogi'r cwmni actio gyda dysgu llinellau.

• Rhoi nodiadau ar y sioe / actorion yn ôl yr angen.

• Cysylltu â'r tîm Rheoli Llwyfan.

• Cefnogi gweledigaeth y cyfarwyddwr a'r tîm creadigol ar gyfer y cynhyrchiad.

• Cynorthwyo'r cwmni i ddogfennu'r broses ymarfer at ddibenion marchnata, archifo a gwerthuso'r prosiect drwy flogiau, cyfryngau cymdeithasol a ffurfiau eraill fel y cytunir gyda'r tîm Cynhyrchu yn Theatr Clwyd a Craidd.

• Cyfrannu at unrhyw weithgareddau neu ddigwyddiadau ymgysylltu creadigol ac addysgol drwy gytundeb â'r Cyfarwyddwr a'r Cynhyrchydd.

• Mynychu a chymryd rhan mewn trafodaethau ar ôl y sioe drwy gytundeb â'r Cynhyrchydd.

• Cefnogi'r cynhyrchiad ar daith, ymarfer y cynhyrchiad yn y lleoliadau, cefnogi'r actorion a'r tîm creadigol i symud y cynhyrchiad i leoliadau gwahanol.

• Rhoi nodiadau ar y sioe ddwywaith yr wythnos ar ôl noson y wasg gan ymgynghori â'r cyfarwyddwr.

• Unrhyw ddyletswyddau pellach fel sy’n ofynnol gan y Cyfarwyddwr.

Hefyd bydd Theatr Clwyd a Craidd yn darparu’r canlynol:

• Dau gyfarfod un i un o leiaf gyda'r Cyfarwyddwr yn ystod y broses ymarfer.

• Un cyfarfod un i un olaf gyda'r Cyfarwyddwr ar ddiwedd y lleoliad i werthuso'r profiad.

• Mynediad i wahanol adrannau o fewn Theatr Clwyd i gyflawni diddordebau penodol yr unigolyn a chefnogi ei ddatblygiad wrth ddeall meysydd eraill yng ngwaith y Theatr.

• Mynychu’r cyfarfodydd cynllunio sy'n gysylltiedig â'r cynhyrchiad.

• Mynychu’r cyfarfodydd cynhyrchu sy'n gysylltiedig â'r cynhyrchiad.

• Cefnogaeth gan Asiant dros Newid Craidd yn Theatr Clwyd i gefnogi a datblygu ei ddealltwriaeth o sut maen nhw'n llywio'r diwydiant fel crëwr theatr Byddar, Anabl a / neu Niwroamrywiol.

• Cefnogaeth gan Gyfarwyddwr Stiwdio Clwyd, gan gynnwys gwerthusiad llawn o'r lleoliad, ysgrifennu adroddiadau a chreu Strategaeth Gadael i gefnogi ei ddatblygiad parhaus.

Gan mai hwn yw’r cynhyrchiad cyntaf fel rhan o Bartneriaeth Craidd, gofynnir i'r derbynnydd gymryd rhan mewn gwerthusiad llawn o'r Cynllun.

Rydym yn edrych am rwyn sy'n gallu bodloni'r canlynol:

• Gallu dangos ymrwymiad i gyfarwyddo ac angerdd dros greu theatr.
• Gallu dangos diddordeb angerddol yn natblygiad a phroses addasiadau newydd o waith ar y llwyfan.
• Trefnus, hyderus, hyblyg, digynnwrf a hawdd siarad ag ef neu hi.
• Wedi cael rhywfaint o brofiad o gyfarwyddo mewn swyddogaeth broffesiynol neu ar y cyrion – gan ymgysylltu ag actorion proffesiynol nad ydynt yn gysylltiadau personol yn unig ar gyfer cynulleidfa sy'n talu.
• Aelod da o dîm sy'n barod i weithio ar y cyd fel rhan o dîm sy'n cynnwys pobl greadigol, actorion, rheolwyr llwyfan a staff Theatr Clwyd.
• Profiad o gydlynu a hwyluso ymarferion, gan gynnwys blocio golygfeydd, cynnal ymarferion llinellau, a chynnal amserlenni ymarfer.
• Enw da am gydweithio'n effeithiol gydag actorion, gan ddarparu arweiniad ac adborth.
• Gallu clir i ymdrin â heriau ac argyfyngau annisgwyl yn ystod ymarferion a pherfformiadau.
• Wedi'i leoli yng Nghymru neu o Gymru gydag ymrwymiad i greu gwaith yng Nghymru.
• Dros 18 oed a heb fod mewn addysg na hyfforddiant ffurfiol ar hyn o bryd.

• Trwydded yrru lawn a glân.
• Profiad o weithio fel Cyfarwyddwr Cynorthwyol.
• Profiad o ymchwil cyn cynhyrchu.
• Rhugl yn y Gymraeg.
• Dangos ymrwymiad i greu gwaith sy'n archwilio cynhwysiant, hygyrchedd a mynediad integredig.
• Diddordeb amlwg mewn ehangu cynrychiolaeth ac amrywiaeth o fewn y theatr, gan gynnwys ymrwymiad clir i wrth-hiliaeth ac ymrwymiad i gefnogi cydweithredwyr o ystod eang o gefndiroedd.
• Profiad o weithio ochr yn ochr â thimau Ymgysylltu Creadigol a phrosiectau allgymorth cymunedol.

Dim ond i artistiaid Byddar, Anabl a niwroamrywiol y mae'r cyfle hwn ar gael; yn Theatr Clwyd rydym yn cofleidio croestoriadedd ac yn annog yn gryf geisiadau gan artistiaid o gymunedau heb gynrychiolaeth ddigonol, gan gynnwys, ond heb fod yn gyfyngedig i, artistiaid sy'n Ddu, yn Asiaidd neu o'r Mwyafrif Byd-eang.

Disgwylir i'r lleoliad hwn gynnwys yr ymrwymiad amser canlynol, yn amodol ar gytundeb gyda'r derbynnydd –

· Wythnos 1 – Wythnos Groesawu a pharatoi ac ymchwil cyn ymarferion – 37 awr

· Wythnos 2 – Wythnos Un yr Ymarferion – 37 awr

· Wythnos 3 – Wythnos Dau yr Ymarferion – 37 awr

· Wythnos 4 – Wythnos Tri yr Ymarferion – 37 awr

· Wythnos 5 – Wythnos Pedwar yr Ymarferion – 37 awr

· Wythnos 6 – Wythnos Pump yr Ymarferion – 37 awr

· Wythnos 7 – Wythnos Chwech yr Ymarferion – 37 awr

· Wythnos 8 – Technegol a Sioeau Ymlaen Llaw – 43 awr

· Wythnos 9 – Sioeau Ymlaen Llaw / Noson i Westeion – 43 awr

· Wythnos 10 – Symud i Leoliad 1af y Daith – presennol a chefnogi’r Cyfarwyddwr gyda symud i leoliad cyntaf y daith – 43 awr

Gallwn gynnig taliad bwrsari prynu allan o £6,470 (10 wythnos am £647 yr wythnos) i Gyfarwyddwr Cynorthwyol Under Milk Wood.

Bydd Theatr Clwyd hefyd yn cefnogi'r Cyfarwyddwr Cynorthwyol gyda chyllideb teithio a chynhaliaeth o £2,445 (cynhaliaeth – 10 wythnos am £245 = £2,450 a theithio 2x £120 = £240)

Bydd y gyllideb yma’n cael ei rheoli gan Theatr Clwyd a bydd y Cyfarwyddwr Cynorthwyol yn cael ei ad-dalu ar ôl cyflwyno derbynebau am dreuliau.

Bydd Cefnogaeth Mynediad ar gael hefyd ac yn cael ei chynnig gan Theatr Clwyd a Craidd.

Bydd y ffi’n cael ei gwneud fel taliad bwrsari mewn tri rhandaliad. Bydd rhaid i'r ymgeisydd fod yn gyfrifol am ei Daliadau Yswiriant Gwladol a Threth ei hun. Os nad yw wedi'i sefydlu fel unigolyn hunangyflogedig, gall Theatr Clwyd ei gefnogi i wneud hyn.